ბარსელონას ბანაკიდან ახალი ინფორმაცია ვრცელდება — როგორც ირკვევა, გუნდის ერთ-ერთი ლიდერი პედრი ტრავმირებულია და პირველადი ინფორმაციით 6-7 კვირას გამოტოვებს, რაც როგორც ჰანსი ფლიკისთის, ისე ესპანეთის ეროვნული ნაკრებისთვისაც დიდ პრობლემას წარმოადგენს.
რაც შეეხება ტრავმის სიმძიმეს, პედრიმ ბარძაყის ბიცეფსი დაიზიანა, თუმცა მისთვის საბედნიეროდ ოპერაციული ჩარევა საჭირო არ არის. 22 წლის ფეხბურთელმა რეაბილიტაციის კურსი უკვე დაიწყო.
ბარსელონა ლა ლიგაში 10 ტურის შემდეგ, მე-2 პოზიციაზე იმყოფება, ხოლო რაც შეეხება ჩემპიონთა ლიგას, ჰანსი ფლიკის გუნდს 3 ტურის შემდეგ, 6 ქულა აქვს.
