ბარსელონას პრეზიდენტმა, ჟოან ლაპორტამ ფეხბურთის ისტორიაში საუკეთესო მოთამაშე დაასახელა. მან აირჩია არა პელე, მარადონა ან მესი, არამედ იოჰან კრუიფი. კატალონიური გუნდის ქომაგები გაკვირვებულები დარჩნენ იმ ფაქტით, რომ საუკეთესოდ ლეო არ დასახელდა.
"კრუიფი არის პიროვნება, ვინც ჩემში აღფრთოვანებას იწვევს. მან თავისი სამწვრთნელო იდეოლოგიით მოახდინა ნამდვილი რევოლუცია, მაგრამ ვისაც უნახავს იოჰანის თამაში, დამეთანხმება, რომ ის როგორც ფეხბურთელიც უდიდესი იყო. ჩემთვის ის ისტორიაში საუკეთესოა, რადგან ნიდერლანდელი ფლეიმეიქერის დავიწყება უბრალოდ შეუძლებელია.
დიახ, ისტორიას ახსოვს პელე, მარადონა, მესი, რონალდინიო, თუმცა ბარსელონასა და აიაქსის შემტევი უბრალოდ სრულყოფილი ფეხბურთელი იყო. ცალკე გამოსარჩევია "მფრინავი ჰოლანდიელის" ლიდერული თვისებებიც", - განაცხადა ესპანელმა პრეზიდენტმა.
