ამასთან დაკავშირებით, ფლორენტინო პერესს კარლო ანჩელოტისთან აქტიური საუბრები აქვს, სადაც ერთად განიხილავენ, თუ რა უნდა შეიცვალოს, რათა რეალმა თამაშის ხარისხი გამოასწოროს.
კლუბის ხელმძღვანელებმა გამოარჩიეს რეალის წარუმატებლობის 4 მიზეზი.
პირველი ჯუდ ბელინგემის სათამაშო პოზიციაა. წელს ბელინგემი შედარებით უკნიდან თამაშობს და თავს არაკომფორტულად გრძნობს, რაც შედეგებზეც აისახება - გასულ სეზონში ჯუდი ცრუ ფორვარდად თამაშობდა და 19 გოლი გაიტანა, წელს კი გოლი ჯერ არ გაუტანია.
ჩუამენის ტონი კროოსის ფუნქციების შეთავსება ევალება, რასაც თავს ვერ ართმევს. ჩუამენი სულ სხვა სტილის ფეხბურთელია და სამეფო კლუბში სრულიად განსხავებული დავალებები აქვს.
მოშლილია დაცვის ხაზი. ტრავმიდან ახალდდაბრუნებული ედერ მილიტაო ფორმაში ვერ შედის, ამასობაში კი რეალი გოლს უკვე თითქმის ყველა თამაშში უშვებს.
ბოლო და ყველაზე მნიშვნელოვანი საკითხი გიულერი-ენდრიკის ძირითად შემადგენლობაში ვერ მოხვედრაა. რეალს სკამზე ჰყავს მსოფლიოს ორი გამორჩეული ტალანტი, რომელთაც შანსი მაშინაც კი არ ეძლევათ ხოლმე, თუ გუნდი აგებს.
პერესმა ანჩელოტი გააფრთხილა და მოუწოდა, რომ სამწვრთნელო შტაბი ყველა ამ პრობლემის მოგვარებას შეუდგეს.
