ტრანსფერის გაოფიციალურების შემდეგ, გიორგიმ პირველი კომენტარი გააკეთა.
"მოხარული და ბედნიერი ვარ რომ ეს გარიგება შედგა. აქ უკვე ყველაფერს მივეჩვიე - თანაგუნდელებს, პერსონალს და ჩვენს საოცარ გულშემატკივრებს. ბედნიერი ვარ, რომ უოტფორდის ნაწილი ვარ. აქ ყველაფერი მომწონს, მუშაობისადმი მიდგომა და მაღალი პროფესიონალიზმი. ეს საოცარი გარემოა სადაც კარგად განვითარება შემიძლია და ფეხბურთის თამაშისგან სიამოვნების მიღება."
"ქვეყნების შეცვლა შეიძლება არასასიამოვნო იყოს, მაგრამ აქ ყველაფერს სწრაფად მივეჩვიე და თავს ძალიან კარგად ვგრძნობ. წინ ბევრი გამოწვევაა, რომელსაც ყველა ერთად გადავლახავთ. რა თქმა უნდა, მიზანი პრემიერ ლიგაში დაბრუნებაა, ეს ყველას ძალიან გვინდა - ფეხბურთელებს, მწვრთნელებს და გულშემატკივრებს."
"მოედანზე ყოველთვის გამარჯვებისთვის გავდივარ და მიხარია, რომ უოტფორდსაც აქვს ასეთი მენტალიტეტი. ყოველთვის ვცდილობთ დადებითი შედეგის მიღწევას. ნებისმიერი სხვა შედეგი არ არის დამაკმაყოფილებელი. მნიშვნელოვანია, რომ საკუთარ თავს ყოველთვის მაქსიმუმი მოვთხოვოთ, შემდეგ კი ძალ-ღონე არ დავიშუროთ მის შესასრულებლად და მოედანზე კარგი შედეგის ჩვენება მოვახერხოთ."
"მინდა მადლობა გადავუხადო უოტფორდის გულშემატკივრებს მხარდაჭერისთვის და მადლიერებისთვის, რასაც მათგან ყოველთვის ვგრძნობ. ეს მაძლევს მეტ სიმშვიდეს და თავდაჯერებულობას. მინდა ერთად აღვნიშნოთ ბევრი გამარჯვება და შევქმნათ ლამაზი მოგონებები. საოცარი გულშემატკივრები გვყავს, ისინი ყოველთვის ჩვენს გვერდით არიან, ეს ერთი დიდი ოჯახია. ასეთი გარემო ყველაზე მნიშვნელოვანია, თუ გვსურს, რომ წარმატების მივაღწიოთ".
