დღეს, სტარტი აიღო თბილისის გრანდ სლემმა, სადაც მონაწილეობას 51 ქვეყნის 386 ძიუდოისტი იღებს.
პირველ საჭიდაო დღეს, მედლები ვაჟთა 60, 66 და ქალთა 48, 52, 57 კგ წონით კატეგორიებში თამაშდება და საქართველოს ნაკრებმა 1 მედლის მოპოვება შეძლო.
66 კგ წონით კატეგორიაში მესამე ადგილი თორნიკე გიგაურმა დაიკავა. 19 წლის ქართველმა ძიუდოისტმა 1/2 ფინალამდე უზბეკი, ყაზახი და რუსი მეტოქეები დაამარცხა, ხოლო ფინალში გასასვლელ ორთაბრძოლაში აზერბაიჯანელთან დამარცხდა. მესამე ადგილისთვის ბრძოლაში, თორნიკე გიგაურმა კვიპროსელ ძიუდოისტს იპონით აჯობა და კარიერაში პირველი გრანდ სლემის მედალი მოიპოვა.
ხვალ, მედლები ვაჟთა 73 და 81, ხოლო ქალთა 63 და 70 კგ წონით კატეგორიებში გათამაშდება. საქართველოს ღირსებას კი 16 ძიუდოისტი დაიცავს.
-63 კგ:ნინო წიკლაური, მარიამ ნათელაური, მაია ბიძინაშვილი, მარი მახარაშვილი.
-70 კგ:მარიამ ჭანტურია, ნინო გულბანი, ქეთევან ბერიძე, ლიზი კვარცხავა.
-73 კგ:გიორგი ტერაშვილი, გიორგი ლოლაძე, გიორგი ჩიხელიძე, ბაგრატ ნინიაშვილი.
-81 კგ:ზაურ დვალაშვილი, კოტე კაპანაძე, დიმიტრი გოჩილაიძე, ირაკლი ბეროშვილი.
