გუნდის საშინელი სიტუაციის ფონზე, ფანების პროტესტი სულ უფრო და უფრო დიდ მასშტაბებს იძენს. ვალენსია სულ რამდენიმე საათის წინ ლას პალმასთან დამარცხდა, რასაც გულშემატკივრების ძალიან დიდი პროტესტი მოჰყვა. მესტალიასთან ათასობით ვალენსიელი შეიკრიბა, რომლებიც კლუბის მფლობელის, პიტერ ლიმის წასვლას ითხოვდნენ.
ფანების პროტესტი ამ სეზონში არ დაწყებულა — 70 წლის სინგაპურელი მფლობელის წასვლას გულშემატკივრები უკვე რამდენიმე წელია რაც ითხოვენ. ლიმი ვალენსიას 2014 წლიდან მოყოლებული ფლობს და ამ დროის განმავლობაში, კლუბს დიდი ფინანსური პრობლემები შეექმნა, რაც გუნდის შედეგებზე ძალიან ცუდად აისახა. დღეს მესტალიას ბინადრები აღარ ითვლებიან ანგარიშგასაწევ გუნდად და სამწუხაროდ მათი ლა ლიგაში დარჩენის საკითხი, დღის წესრიგში დგას.
📢 Protestas y gritos de ‘Peter Lim dictador’ en los aledaños de Mestalla.
— Relevo (@relevo) October 21, 2024
▪️ La afición además de pedir la salida del singapurense protestan por el episodio de la pareja que estuvo retenida en Singapur.
🎥 @sanchis14 pic.twitter.com/6s6lCm4n8x
