ლივერპულის ყოფილმა კაპიტანმა, გრემ სუნესმა პოლ პოგბას შესახებ ისაუბრა. შეგახსენებთ, რომ ფრანგი შუახაზელი ოთხწლიანი დისკვალიფიკაციით დაისაჯა. ბანის მიზეზი მის ორგანიზმში აღმოჩენილი დოპინგია. შოტლანდიელმა ექს-ნახევარმცველმა მწუხარება გამოთქვა იმის გამო, რომ სკანდალურმა მოთამაშემ თავისი ნიჭი გაფლანფა.
"პოგბას ჰქონდა იმის პოტენციალი, რომ ფეხბურთის ისტორიაში ერთ-ერთი საუკეთესო გამხდარიყო. სამწუხაროდ, მას არ ჰქონდა საკმარისი მონდომება და მის მავნე ჩვევებში სიზარმაცეც ფიგურირებდა. მუნდიალის მოგების შემდეგ, პოლი საბოლოოდ მოდუნდა. ჩვენ ის დავკარგეთ. უბრალოდ გამორიცხულია ფრანგი შუახაზელის დიდ ფეხბურთში დაბრუნება.
იუვენტუსის ნახევარმცველმა ძალიან ადრეულ ასაკში მიიღო ის ყველაფერი, რასაც სხვები ათწლეულებს ანდომებენ. მის თვალებში ცეცხლი სამუდამოდ ჩაქრა. ტურინელთა 10-იანს შეეძლო გამხდარიყო ისეთი მოთამაშე, რომლის შესახებაც შემდეგი 40 წელი ისაუბრებდნენ", - განაცხადა მერსისაიდელთა ექს-კაპიტანმა.
