პოლ პოგბა საუდის არაბეთში - ჯერჯერობით როგორც მხოლოდ ბიზნესმენი. ის გახდა აქლემების რბოლის მსოფლიოში პირველი პროფესიონალური კლუბის მეწილე. გუნდს ჰქვია ალ-ხაბუბი, სპორტის ამ სახეობის ტურნირში კი გამოდიან კლუბები საუდის არაბეთიდან, არაბთა გაერთიანებული საამიროებიდან, კატარიდან, ბაჰრეინიდან, ქუვეითიდან და ომანიდან.
გუნდი, რომლის მეწილე გახდა ფრანგი გამთამაშებელი აქლემების რბოლის მსოფლიოში პირველ ლიგას ქმნის. აღნიშნული ინდუსტრია ითვლება მომგებიანად, იმის გათვალისწინებით, რომ რბოლის მომგები აქლემის გაყიდვა მინიმუმ 5 მილიონ ევროდ არის შესაძლებელი.
შეგახსენებთ, რომ მიმდინარე სეზონში შედგა საფრანგეთის ნაკრების ყოფილი გამთამაშებლის ფეხბურთში დაბრუნება. მონაკოს შემადგენლობაში ტურინის იუვენტუსის ექს-ფლეიმეიქერმა რენის წინააღმდეგ ითამაშა. იქამდე, ის დისკვალიფიცირებული იყო.
