ზამთრის სატრანსფერო ფანჯრის პერიოდში ხვიჩა კვარაცხელია ნაპოლიდან პარის სენ-ჟერმენში გადავიდა. ფრანგულ გუნდში გადასვლამდე, ქართველმა ვინგერმა მიმდინარე სეზონში "პარტენოპეის" შემადგენლობაში 5 ბურთის შეგდება მოასწრო. საინტერესოა, რომელმა მოთამაშეებმა გაიტანეს პსჟ-ს შემტევზე მეტი გოლი "აძურის" რიგებიდან?
როგორი გასაკვირიც არ უნდა იყოს, დიეგო მარადონას ბინადრების მხრიდან პარიზელთა შვიდიანზე მეტი გოლი გაიტანა მხოლოდ ოთხმა მოთამაშემ: რომელუ ლუკაკუმ (13 ბურთი), სკოტ მაკტომინეიმ (11), ზამბო ანგისამ (6 ბურთი) და ჯაკომო რასპადორიმ (6 ბურთი). 24 წლის ვინგერი ანტონიო კონტეს გუნდის რიგით მე-5 საუკეთესო გოლეადორია.
კვარაცხელია ჯერ კიდევ უსწრებს თავის პირდაპირ კონკურენტებსაც კი, მატეო პოლიტანოსა (3 გოლი) და დავიდ ნერესს (2 გოლი). შეგახსენებთ, რომ სეზონის მსვლელობისას იტალიურ საფეხბურთო წრეებში ტრიალებდა აზრი, თითქოს ქართველი ვინგერის შემცვლელი ბრაზილიელი შემტევი უნდა ყოფილიყო.
როგორც ვხედავთ, ნაპოლის გარემარბმა დაკისრებულ მოვალეობას თავი ვერ გაართვა. მის გარდა, ხვიჩას წასვლის შემდეგ, იტალიურმა გუნდმა დაიმატა ნოა ოკაფორიც, მაგრამ მან "პარტენოპეის" შემადგენლობაში გოლის გატანა ვერ შეძლო.
ნაპოლის სეზონის საუკეთესო ბომბარდირები სერია ა-ში
| ფეხბურთელი | გოლების რაოდენობა |
| რომელუ ლუკაკუ | 13 |
| სკოტ მაკტომინეი | 11 |
| ზამბო ანგისა | 6 |
| ჯაკომო რასპადორი | 6 |
| ხვიჩა კვარაცხელია | 5 |
