პრემიერ ლიგა ბრუნდება — რომელ გუნდს აქვს ყველაზე მარტივი და რთული კალენდარი?

ამ მატჩების მიმდინარეობისას, სიტი კიდევ სამ შეხევდრას გამართავს, კერძოდ ინტერთან და სლოვან ბრატისლავასთან ჩემპიონთა ლიგის ეგიდით, ხოლო 24 სექტემბერს, "ქალაქელები" ინგლისის ლიგის თასზე, გიორგი ჩაკვეტაძის უოტფორდს დაუპირისპირდებიან.

ახალ სეზონს ძალიან შთამბეჭდავად იწყებს არნე სლოტის ლივერპული. ნიდერლანდელმა სპეციალისტმა ყველა კრიტიკოსის გაჩუმება მოახერხა და ენფილდის ბინადრებს საოცარი ფეხბურთის თამაში დააწყებინა.

მერსისაიდული გუნდი სანაკრებო პაუზის შემდეგ ნოტინგემ ფორესტს დაუპირსპირდება. შემდეგ იქნება მატჩი ბორნმუთთან, ვულვზთან და კრისტალ პალასთან, რის ფონზეც, თამამად შეგვიძლია იმის თქმა, რომ ლივერპულს მართლაც, რომ მარტივი კალენდარი აქვს. ამ მატჩების შუალედში, სლოტის გუნდი ჩემპიონთა ლიგაზეც ითამაშებს, სადაც მეტოქე მილანი და ბოლონია იქნებიან. მანჩესტერ სიტის მსგავსად, გუნდი ინგლისის ლიგის თასზეც იასპარეზებს, კერძოდ ვესტ ჰემთან.

არსენალმა ახალი სეზონი შედარებით მძიმედ დაიწყო, თუმცა მოპოვებული 7 ქულა ცუდ სტარტად ნამდვილად არ ითვლება. არტეტას გუნდი სექტემბრის სანაკრებო პაუზაზე ყველაზე მეტად დაზარალდა, რადგან გუნდმა კაპიტანი, მარტინ ოდეგორი დაკარგა, თანაც უცნობია რამდენი ხნით, თუმცა ნორვეგიელის დაზიანება, რომ საკმაოდ მძიმეა, ამაზე ყველა საუბრობს.

სანაკრებო პაუზის შემდეგ, არსენალს ყველაზე რთული კალენდარი შეხვდა. არტეტას გუნდი პრინციპული დაპირისპირებით დაიწყებს — ლონდონური დერბი ტოტენჰემთან! ამის შემდეგ, იქნება მატჩი მანჩესტერ სიტისთან, რასაც პრემიერ ლიგაში დაბრუნებულ ლესტერთან და საუთჰემპტონთან შეხვედრები მოჰყვება. შუალედში არსენალი ჩემპიონთა ლიგაზე ორი მატჩს გამართავს: იტალიაში ატალანტასთან და სახლში პსჟ-სთან. მანჩსტერ სიტისა და ლივერპულის მსგავსად, არტეტას გუნდიც ითამაშებს ინგლისის ლიგის თასზე, კერძოდ ბოლტონთან.

რაც შეეხება ტოტენჰემს, არსენალთან ლონდონური დერბის შემდეგ, პოსტეკოგლუს გუნდი ბრენტფორდთან ითამაშებს, რასაც მანჩესტერ იუნაიტედთან პრინციპული დაპირისპირება მოჰყვება. ოქტომბრის სანაკრებო პაუზამდე კი, "მამლები" ბრაიტონთან ითამაშებენ, რომლებიც ახალ სეზონს ძალიან კარგად იწყებენ.

ლივერპულის, მანჩესტერ სიტისა და არსენალის მსგავსად, ტოტენჰემიც ითამაშებს ევროტურნირზე, ოღონდ არა ჩემპიონთა ლიგაზე — პოსტეკოგულის გუნდი ევროპა ლიგაზე იქნება წარმოდგენილი, სადაც ყარაბახსა და ფერენცვაროშს დაუპირსპირდება.

რაც შეეხება TOP 6-ის კიდევ ორ წარმომადგენელს, მანჩესტერ იუნაიტედი ახალ სეზონს მძიმედ იწყებს. ტენ ჰაგის გუნდს 3 ტურში მხოლოდ ერთ გამარჯვება აქვს და მის გარშემო საუბრები კვლავ არ წყდება. სანაკრებო პაუზის შემდეგ, "წითელი ეშმაკები" საუთჰემპტონს მიიღებენ ოლდ ტრაფორდზე, რასაც კრისტალ პალასთან გასვლაზე მატჩი მოჰყვება. ამ ორი დაპირისპირების შემდეგ, ტენ ჰაგის გუნდს არანაკლები სირთულის მატჩები ელოდება წინ: ტოტენჰემი და ასტონ ვილა! ამ მატჩების მიმდიანრეობისას, გუნდი ევროპა ლიგაზეც იასპარეზებს, სადაც მეტოქეები ტვენტე და პორტო იქნებიან. რაც შეეხება ინგლისის ლიგის თასს, "წითელი ეშმაკები" ბარნსლის შეხვდებიან.

თუ მანჩესჩესტერ იუნაიტედმა სათამაშო ხარისხი მალე არ გამოასწორა, ნიდერლანდელი მწვრთნელის გაშვების საკითხი, დღის წესრიგში დადგება.

და ბოლოს ჩელსი, მარესკას გუნდს საწყის სამ ტურში 4 ქულა აქვს და სანაკრებო პაუზის შემდეგ, ლონდონელები კარგი სერიის გაგრძელებას შეეცდებიან. სტემფორდ ბრიჯის ბინადრები 14 და 21 სექტემბერს ბორნმუთსა და ვესტ ჰემს შეხვდებიან, ამის შემდეგ კი ბრაიტონთან და ნოტინგემ ფორესტთან დაპირისპირებებს ვიხილავთ. ჩელსი კონფერენს ლიგაზეც იასპარეზებს, სადაც მარესკას გუნდის მეტოქე ბელგიური გენტი იქნება. რაც შეეხება ინგლისის ლიგის თასს, ტოპ გუნდებიდან ყველაზე მარტივი მეტოქე ლონდონელებს შეხვდათ, კერძოდ ლიგა 2-ის ბინადარი ბეროუ.

სტატიის ბოლოს შეგახსნებეთ, რომ LaGazzetta.ge-ს აქვს საკუთარი პრემიერ ლიგის ფენტეზი ლიგა, სადაც გაწევრიანება ნებისმიერ დროს შეგიძლიათ.

როგორ მივიღო მონაწილეობა?

პირველ რიგში, აუცილებლად უნდა გაწევრიანდეთ ჩვენს ფეისბუქ ჯგუფ Campione - კამპიონე-ში. ამის შემდეგ, დარეგისტრირდი პრემიერ ლიგის ფენტეზიზე (Fantasy Premier League), გაწევრიანდი LaGazzetta-ს ლიგაში და შეავსე პირადი ინფორმაცია ამ ფორმაში. აღნიშნული ინფორმაცის შევსება საჭიროა გამარჯვებულების გამოვლენისთვის.

როგორ გავწევრიანდე LaGazzetta-ს ლიგაში?

ლიგის არჩევის გვერდზე, შეიყვანე LaGazzetta-ს ლიგის კოდი: cuikc0 ან გადადი ამ ბმულზე.