ლივერპული 4-1 იფსვიჩი
არნე სლოტის გუნდმა დაგეგმილი გამარჯვება მოიპოვა. ენფილდის ბინადრებმა იფსვიჩს არაფერი დაუთმეს და არც მეტი, არც ნაკლები 4 უპასუხო გოლი გაუტანეს. თავის გამოჩენა დომინიკ სობოსლაიმ, მო სალაჰმა და კოდი გაკპომ მოახერხეს. ამ უკანასკნელმა მეტოქეს დუბლი შეუსრულა. იფსვიჩიდან ერთადერთი გოლის გატანა ჯეიკობ გრივზმა მოახერხა.
ამ გამარჯვების შემდეგ მერსისაიდელებმა 53 ქულას მოუყარეს თავი და მეორე ადგილოსან არსენალთან, 6 ქულიანი უპირატესობა შეინარჩუნეს. აუცილებლად უნდა ითქვას ისიც, რომ არნე სლოტის გუნდს ერთი მატჩით ნაკლები აქვს ჩატარებული.
ვულვზი 0-1 არსენალი
იმის მიუხედავად, რომ არსენალი პირველი ტაიმის მიწურულს მოედანზე 10 კაცით დარჩა, მიკელ არტეტას გუნდმა გამარჯვების მოპოვება მაინც მოახერხა. სტუმარი გუნდიდან თავის გამოჩენა რიკარდო კალაფიორიმ შეძლო. ვულვზს გათანაბრების რამდენიმე კარგი შანსი ჰქონდა, თუმცა დავიდ რაიამ კარი მშრალად შეინახა.
ამ გამარჯვებით არსენალმა 47 ქულა მოაგროვა, რითაც საჩემპიონო რბოლაში დარჩენა შეძლო.
დანარჩენი მატჩები:
ბორნმუთი 5-0 ნოტინგემ ფორესტი
ბრაიტონი 0-1 ევერტონი
საუთჰემპტონი 1-3 ნიუკასლი
