ლივერპული 2-2 ფულემი
ენფილდის ბინადრები ამ მატჩს ფავორიტის სტატუსით შეხვდნენ, თუმცა ფულემი წელს, რომ საკმაოდ კარგი გუნდია, ესეც აუცილებლად უნდა აღინიშნოს. მატჩის ბედი, დიდწილად, ენდრიუ რობერტსონის წითელმა ბარათმა გადაწყვიტა. მატჩის მთავარმა არბიტრმა შოტლანდიელი მცველი, შეხვედრის მე-17 წუთზე, ბოლო იმედის ჯარიმის გამო გააძევა, როდესაც სტუმარი გუნდი უკვე 0:1 იგებდა. მატჩში ანგარიშის გახსნა ანდრეას პერეირამ მოახერხა, რომელმაც ენტონი რობინსონის საგოლე გადაცემით ისარგებლა.
მეორე ტაიმის სტარტზე 10-კაციანმა ლივერპულმა მეტოქეს კარგად შეუტია, რასაც მალევე გამათანაბრებელი გოლიც მოჰყვა. მო სალაჰმა საკუთარ გუნდს კიდევ ერთხელ ულიდერა და მატჩის 47-ე წუთზე, კოდი გაკპოს საგოლე გადაცემა გაუკეთა, ნიდერლანდელმაც ბერნდ ლენოს აუღებელი დაურტყა, 1:1.
მატჩის ბოლომდე გუნდებმა რამდენიმე სახიფათო მომენტის გაცვლა მაოხერხეს, რასაც კიდევ ორი გატანლი გოლი მოჰყვა. თავი ჯერ როდრიგო მუნიზმა გამოიჩინა, შემდეგ კი ტრავმიდან დაბრუნებულმა დიოგუ ჟოტამ ანგარიში კიდევ ერთხელ გაათანაბრა, 2:2.
ლივერპულს ამ მატჩის შემდეგ 36 ქულა მოუგროვდა, ხოლო რაც შეეხება მარკო სილვას გუნდს, ფულემი 24 ქულით მე-9 პოზიციამდე აღზევდა.
არსენალი 0-0 ევერტონი
მიკელ არტეტას გუნდმა ქულები კიდევ ერთხელ დაკარგა. წინა ტურში, ფულემთან ვერ მოგებული მატჩის შემდეგ, "მეთოფეებმა" ევერტონსაც ვერაფერი მოუხერხეს. 90 წუთის განმავლობაში არსენალი დიდ უპირატესობას ფლობდა, თუმცა ემირეითსის ბინადრებმა ჯორდან პიკფორდს გოლი მაინც ვერ გაუტანეს.
არსენალმა ამ მატჩის შემდეგ 30 ქულა მოაგროვა და მე-3 პოზიცაზე დარჩა. რაც შეეხება შონ დაიჩის გუნდს, მერსისაიდელებმა 15 ქულას მოუყარეს თავი და დროებით მე-15 პოზიციაზე გადავიდნენ.
სხვა მატჩების შედეგები:
ნიუკასლი 4-0 ლესტერი
ვულვზი 1-2 იფსვიჩი
