მანჩესტერ იუნაიტედის კაპიტანმა, ბრუნო ფერნანდეშმა 2025 წელი ბრწყინვალე შედეგით დაასრულა. საქმე ისაა, რომ ერთ კალენდარულ წელში პორტუგალიელმა ფლეიმეიქერმა "წითელი ეშმაკების" მოთამაშეებისთვის შექმნა 103 მომენტი, რაც ინგლისის ჩემპიონატში საუკეთესო შედეგია.
ოლდ ტრაფორდის ბინადრების კაპიტნის შემდეგ მოდის ლივერპულის ლიდერი, მოჰამედ სალაჰი, 86 შექმნილი მომენტით. სამეულს ხურავს ლონდონის ჩელსის ფლეიმეიქერი, ენცო ფერნანდესი, 73 მომენტით. ასეთია ინგლისის ჩემპიონატის ყველაზე კრეატიულ მოთამაშეთა ტრიო და საუკეთესო მათ შორის, როგორც აღვნიშნეთ, რუბენ ამორიმის გუნდის მე-8 ნომერი არის.
მათ შემდეგ მოდიან დომინიკ სობოსლაი, დეკლან რაისი და ბრაიან მბიუმო - სამივე მათგანმა 2025 წელს პრემიერ ლიგაში 65 მომენტი შექმნა. აღნიშნულ რეიტინგში ასევე გამოსარჩევია სხვაობა პირველ და მეორე პოზიციაზე გასულ მოთამაშეებს შორის: 31 წლის ფლეიმეიქერმა ეგვიპტელ ფორვარდზე 17 მომენტით მეტი შექმნა.
პრემიერ ლიგის ყველაზე კრეატიული ფეხბურთელები 2025 წელს
| ფეხბურთელი | შექმნილი მომენტების რაოდენობა | გუნდი |
| ბრუნო ფერნანდეში | 103 | მანჩესტერ იუნაიტედი |
| მოჰამედ სალაჰი | 86 | ლივერპული |
| ენცო ფერნანდესი | 73 | ჩელსი |
| დომინიკ სობოსლაი | 65 | ლივერპული |
| დეკლან რაისი | 65 | არსენალი |
| ბრაიან მბიუმო | 65 | მანჩესტერ იუნაიტედი/ბრენტფორდი |
