![[პრევიუ] ბრძოლა მეორე ადგილისთვის: იუვენტუსი-მილანი](/_next/image?url=https%3A%2F%2Flagazzetta-uploads.s3.us-east-1.amazonaws.com%2Fuploads%2Fposts%2FbHPMAvc55UnLkH6yAY7y2i2H0GyD4tzY.webp&w=3840&q=75)
პიოლის ამბავი უკვე გარკვეულია, იტალიელი სპეციალისტი როსონერის ზაფხულში დატოვებს, რაც შეეხება ალეგრის, დიდი ალაბთობით, ისიც დაემშვიდობება ტურინულ გრანდს. ორივე მწვრთნელი კი სეზონის შედარებით კარგად დასრულებას ეცდება - მიზანი მეორე პოზიციაა.
მილანი ამ მატჩს ცუდ ხასიათზე ხვდება, დერბიში წაგებული მატჩის შემდეგ, ინტერმა მე-20 სკუდეტო იზეიმა. პლიუს ამას ისიც ემატება, რომ პიოლის გუნდს 4-მატჩიანი მოუგებელი სერია აქვს. "როსონერი" თავიდან ბოლომდე მოშლილია და იმის მიუხედავად, რომ ცხრილში მეორე ადგილზეა, იუვენტუსთან ფავორიტის სტატუსით, ნამდვილად არ იქნება.
რაც შეეხება "ბიანკონერის", ალეგრის გუნდი იტალიის თასის ფინალში გავიდა, შესაბამისად, ამ შეხვედრას შედარებით კარგ ხასიათზე ხვდება. იმის ფონზე, რომ სეზონი ჩავარდა და გუნდი საკმაოდ არასტაბილურად თამაშობს, ალეგრი მაქსიმალურად ეცდება სეზონი ტიტულით და მეორე ადგილით დაასრულოს. ამ შეხვედრას იუვეც ცუდ ფორმაში ხვდება, კერძოდ 3-მატჩიანი მოუგებელი სერიით.
სავარაუდო შემადგენლობები:
იუვენტუსი-მილანი:
სერია ა, 34-ე ტური;
27 აპრილი, 20:00 საათი (თბილისის დროით);
ალიანს სტედიუმი, ტურინი;
მთავარი მსაჯი: მაურიციო მარიანი (იტალია);
