[პრევიუ] დაძაბული მატჩის მოლოდინში — საფრანგეთი ბელგიას დაუპირისპირდება

2024 წლის ევროპის ჩემპიონატის პლიე-ოფის ცენტრალური შეხვედრა დიუსელდორფში გაიმართება, სადაც საფრანგეთის და ბელგიის ეროვნული ნაკრებები დაუპირისპირდებიან ერთმანეთს.

ორივე ნაკრები ევრო 2024-ზე ფავორიტის სტატუსით ჩავიდა, თუმცა, ჯგუფურ ეტაპზე არასანახაობრივი თამაში აჩვენეს და საბოლოოდ, მეორე ადგილებს დასჯერდნენ — საფრანგეთმა 1 მატჩი მოიგო და 2-ში ფრეს დასჯერდა, ხოლო ბელგიამ ჯგუფური ეტაპი თითო მოგებით, ფრით და წაგებით დაასრულა.

ნაკრებები ბოლოს ერთმანეთს 2021 წელს, ერთა ლიგის 1/2 ფინალში შეხვდნენ, სადაც გამარჯვება საფრანგეთს დარჩა. აღნიშნულ მატჩში პირველი ტაიმი კარასკოს და ლუკაკუს გოლებით ბელგიამ მოიგო, თუმცა, მეორე ნახევარში ბენზემამ, მბაპემ და ტეო ერნანდესმა დააქამბექეს და საფრანგეთი ფინალში გაიყვანეს.

ბოლო 5 ურთიერთდაპირისპირებაში კი მცირე უპირატესობა დიდიე დეშამის გუნდის მხარეს არის — 2 მოგება, 2 ფრე და 1 წაგება. აღსანიშნავია, რომ ნაკრებები 1984 წლის ევროპის ჩემპიონატზეც შეხვდნენ ერთმანეთს, სადაც საფრანგეთმა ბელგია 5-0 დაამარცხა.

დღევანდელ შეხვედრას გუნდები ოპტიმალური შემადგენლობით შეხვდებიან — მატჩი თბილისის დროით 20 საათზე აიღებს სტარტს.