![[პრევიუ] დარჩება თუ არა არსენალი საჩემპიონო რბოლაში მანჩესტერთან მატჩის შემდეგ?!](/_next/image?url=https%3A%2F%2Flagazzetta-uploads.s3.us-east-1.amazonaws.com%2Fuploads%2Fposts%2F4DvSW0a1djLjFa8BRhrr84TUh4E6pvN7.webp&w=3840&q=75)
პრემიერ ლიგაში ჩატარებული 36 ტურის შემდეგ, "კანონირები" 83 ქულით, მეორე ადგილზე არიან და ლიდერ მანჩესტერ სიტის ორი ქულით ჩამორჩებიან. "მანკუნიანელები" კი 54 ქულით, მე-8 პოზიციაზე არიან, ბურთების უარყოფითი შეფარდებითა და მიმდინარე სეზონში დამყარებული არაერთი ანტირეკორდით გამოირჩევიან.
ერიკ ტენ ჰაგი (მანჩესტერის მწვრთნელი): "ვეცდებით სეზონის იმედიანად ჩამთავრებას. დიახ, მანჩესტერში ბევრი პრობლემაა, თუმცა ყოველდღიურად ვმუშაობთ იმისთვის, რომ მდგომარეობა გამოსწორდეს. არსენალთან მატჩი ძალიან მნიშვნელოვანი იქნება, რადგან ჩვენ წინაშე პრემიერ ლიგის ერთ-ერთი საუკეთესო გუნდია".
მიკელ არტეტა (არსენალის მწვრთნელი): "გველის რთული გასვლითი შეხვედრა - ეს იუნაიტედია, სხვანაირად არც გამოვა. ჩემპიონობა თუ გვინდა, უნდა მოვუგოთ ნებისმიერ მეტოქეს, მათ შორის სტუმრად, "წითელ ეშმაკებსაც". ვეცდებით ჩვენი მაქსიმუმის გაკეთებასა და საჩემპიონო რბოლაში ბოლომდე დარჩენას".
მანჩესტერი-არსენალი:
პრემიერ ლიგის 37-ე ტური;
12 მაისი, 19:30 საათი;
მანჩესტერი, ოლდ ტრაფორდი;
მთავარი მსაჯი: პოლ ტირნი.
