[პრევიუ] დღეს, კონფერენს ლიგის ფინალი ოლიმპიაკოსსა და ფიორენტინას შორის

დავიწყოთ "ვიოლათი", ჯგუფური ეტაპის წარმატებით გადალახვის შემდეგ, იტალიურმა გუნდმა დაამარცხა ჰაიფას მაკაბი, ვიქტორია პლზენი და ბრიუგე. ბერძნებმა კი ფერენცვაროში - თელავივის მაკაბი, ფენერბახჩე და ბირმინგემის ასტონ ვილა. როგორც ვხედავთ, იოლი გზა არცერთ გუნდს არ ჰქონია.

რაც შეეხება შიდა ჩემპიონატში დაფიქსირებულ შედეგს, "იები" - 57 ქულით მერვე ადგილი, თუმცა ბერგამოს ატალანტასთან გადადებული შეხვედრა ჯერ კიდევ არ ჩატარებულა. "თეთრ-წითლებმა" კი 74 ქულით მე-3 პოზიციაზე დაასრულეს ასპარეზობა. აქვე დავამატებთ, რომ კონფერენს ლიგის გამარჯვებული გაისად ევროპა ლიგაზე ითამაშებს.

ფიორენტინა და ოლიმპიაკოსი აქამდე ერთმანეთს არასდროს შეხვედრილან. ზოგადად ბერძნული გუნდების წინააღმდეგ კი ფლორენციელთა სტატისტიკა ასეთია: 5 მატჩი, 1 მოგება, 3 ფრე და 1 წაგება. რაც შეეხებათ პირეოსელებს იტალიური კლუბების წინააღმდეგ: 28 თამაში, 7 მოგება, 5 ფრე და 16 წაგება.

ვინჩენცო იტალიანო (ფიორენტინას მწვრთნელი): "კონფერენს ლიგის ფინალში გასვლა ჩვენთვის ძალიან მნიშვნელოვანი იყო. ვეცდებით ტურნირის მოგებასა და ჩვენი გულშემატკივრების გახარებას".

ხოსე ლუის მენდილიბარი (ოლიმპიაკოსის მწვრთნელი): "გვაქვს იმის შესაძლებლობა, რომ სეზონი დავასრულოთ ევროთასის მოგებით, რაც განსაკუთრებულია. მეტოქე ძლიერია და შეიძლება ითქვას, რომ ფავორიტიც არის, მაგრამ ჩვენ უკან დახევას არ ვაპირებთ".

კონფერენს ლიგის ფინალი;

29 მაისი, 23:00 საათი;

აია სოფია, ათენი;

მთავარი მსაჯი: არტურ დიაში (პორტუგალია).