[პრევიუ] ევროპა ლიგა: იტალიელი მეგობრების სამწვრთნელო დუელი და სხვა 1/8 ფინალური მატჩები

მიზეზი მეორე: ამ გუნდების მთავარი მწვრთნელები, დანიელე დე როსი და რობერტო დე ძერბი მეგობრები არიან. ბოლოს კი მესამე მიზეზი: ორივე გუნდი ძალიან კარგ ფეხბურთს თამაშობს. ჟოზე მოურინიოს წასვლისა და იტალიელი დამრიგებლის დანიშნვის შემდეგ, "ჯალოროსი" ნამდვილად ახლებურად ათამაშდა.

"მგლების" პერფომანსში სილაღე და ცოცხალი ემოციები დაბრუნდა. ამაზე მეტყველებს შედეგებიც - შვიდი მოგება, ერთი ფრე და ერთი წაგება, ისიც იტალიის ჩემპიონატის ლიდერთან, მილანის ინტერთან. ოლიმპიკოზე იმდენად მოეწონათ ამჟამინდელი დამრიგებლის მუშაობა, რომ მასთან ხელშეკრულების გახანგრძლივების საკითხი უკვე განიხილება.

რაც შეეხება ალბიონს, ეს გუნდი პრემიერ ლიგის უკანასკნელი წლების ერთ-ერთ აღმოჩენად ითვლება. მთავარი შემოქმედი აქაც იტალიელი მწვრთნელია, რომლის სახელს ევროპის გრანდებს უკავშირებენ. "თოლიების" დამრიგებელი ყველაზე ხშირად გადაჰყავთ ბარსელონაში, მანჩესტერ იუნაიტედსა და ლივერპულში.

ახლა კი სტატისტიკა - ეს გუნდები ერთმანეთს არასდროს შეხვედრილან. დე როსის გუნდის ურთიერთდაპირისპირებების ისტორია პრემიერ ლიგის წარმომადგენლებთან კი საკმაოდ მდიდარია: 45 მატჩი, 14 მოგება, 13 ფრე, 18 წაგება. "თეთრ-ლურჯები" კი არა მხოლოდ რომას, არამედ ზოგადად იტალიურ გუნდს აქამდე არასდროს შეხვედრილან.

დანიელე დე როსი (რომას მწვრთნელი): "დე ძერბისთან მაქვს კარგი ურთიერთობა და მის მიერ გაწვრთნილი ბრაიტონი, როგორც მოწინააღმდეგე, პატივისცემას იმსახურებს. ალბიონი შევისწავლეთ, განსაკუთრებული ყურადღება სიტისთან, არსენალსა და ჩელსისთან მატჩებს დავუთმეთ. საინტერესო თამაში იქნება".

რობერტო დე ძერბი (ბრაიტონის მწვრთნელი): "მე და დე როსი ოჯახებით ვმეგობრობთ. ჩვენი ქალიშვილებიც კი მეგობრები არიან. რაც შეეხება რომასთან მატჩს, მეტოქე ნამდვილად რთულია, მაგრამ თუ გვინდა ჩემპიონობა, ნებისმიერის დამარცხება უნდა შეგვეძლოს. ვნახოთ, ნაადრევი დასკვნების გამოტანა არ ღირს".

რომას ბოლო 5 მატჩი: მონცა-რომა 1:4, რომა-ტორინო 3:2, რომა-ფეიენორდი 1:1 (პენ. 4:2), ფეიენორდი-რომა 1:1, ფროზინონე-რომა 0:3

ბრაიტონის ბოლო 5 მატჩი: ფულჰემი-ბრაიტონი 3:0, ვულვზი-ბრაიტონი 1:0, ბრაიტონი-ევერტონი 1:1, შეფილდი-ბრაიტონი 0:5, ტოტენჰემი-ბრაიტონი 2:1

რომა: სვილარი, ლორენტე, მანჩინი, სპინაცოლა, კარსდორპი, პარედესი, კრისტანტე, მანჩინი, ელ შაარავი, დიბალა, ლუკაკუ

დანაკლისი: აბრაჰამი, კრისტენსენი

ბრაიტონი: სტილი, დანკი, ჰეკი, ველტმანი, იგორი, გილმორი, გროსი, ლალანა, ადინგრა, ბუონანოტე, ფერგიუსონი

დანაკლისი: მარჩი, მიტომა

სპარტა-ლივერპული (21:45) - ევროპა ლიგის ერთ-ერთი მთავარი ფავორიტი ჩეხეთს ესტუმრება. ლივერპული იბრძვის ორ ფრონტზე, როგორც პრემიერ ლიგაში, ისე ამ ტურნირზეც. ვნახოთ, შეძლებს თუ არა იურგენ კლოპი თავის ბოლო მერსისაიდულ სეზონში თასის აღმართვას.

ყარაბაღი-ლევერკუზენი (21:45) - მიმდინარე სეზონის გუნდი-სენსაცია, რომელიც ბუნდესლიგაში თვით მიუნხენის ბაიერნსაც კი 10 ქულით უსწრებს. ეს კლუბები უკვე შეხვდნენ ერთმანეთს ჯგუფურ ეტაპზე და გამარჯვებული გამოვიდა ბაიერი, რომელმაც ყარაბაღი ორი მატჩის ჯამში 6:1 დაამარცხა.

მილანი-სლავია (23:55) - ობიექტურად, ამ წყვილში ფავორიტი მილანია და თუ რაიმე გაუთვალისწინებელი არ მოხდა, წესით, მეოთხედფინალში სწორედ იტალიური კლუბი გავა.

მარსელი-ვილიარეალი (23:55) - გუნდები, რომლებიც არავისთვის არაფრის დათმობას არ აპირებენ. მარსელში მეორე ახალგაზრდობას განიცდის პიერ-ემერიკ ობამეიანგი, ვილიარეალი კი ევროპა ლიგაზე ყოველთვის ორმაგად მონდომებულად თამაშობს.

ფრაიბურგი-ვესტ ჰემი (23:55) - ეს წყვილი მინიმუმ იმით არის საინტერესო, რომ ერთმანეთს პრემიერ ლიგისა და ბუნდესლიგის წარმომადგენლები უპირისპირდებიან. ორივე კლუბი ევროპა ლიგის პლეი-ოფში დამსახურებულად მოხვდა.

ბენფიკა-რეინჯერსი (23:55) - ევროპის ტოპ-5 ლიგის გარეთ მყოფი გუნდები, რომლებიც სერიოზულ წარმატებაზე ფიქრობენ. ფავორიტად მოიაზრება ბენფიკა, მაგრამ რეინჯერსი არაფრის დათმობას არ აპირებს.