![[პრევიუ] ევროპა ლიგის 1/16 ფინალი - მშვიდად მყოფი მილანი და რომას დაუმთავრებელი საქმე](/_next/image?url=https%3A%2F%2Flagazzetta-uploads.s3.us-east-1.amazonaws.com%2Fuploads%2Fposts%2FB5eLcQkhuBgE2oGSeHGTCCnivhcoxk3c.webp&w=3840&q=75)
"შავ-წითლებმა" მერვედფინალში გასვლისთვის წინ მნიშვნელოვანი ნაბიჯი გადადგეს, თუმცა აშკარაა, რომ "დოგები" დანებებას არ აპირებენ. მასპინძლები მერვედფინალში გასვლისთვის მაქსიმუმს გააკეთებენ, მეტოქის ვარსკვლავური სტატუსის მიუხედავად. შეგახსენებთ, მატჩი ჩვენი დროით 21:45 საათზე დაიწყება.
ჟულიენ სტეფანი (რენის მწვრთნელი): "დიახ, პირველი შეხვედრა ჩვენთვის წარუმატებელი იყო, თუმცა დასრულებული ჯერჯერობით არაფერია. ბოლომდე ვიბრძოლებთ, ფეხბურთში სხვანაირად არ გამოდის. ვეცდებით ჩემპიონთა ლიგის პლეი-ოფის დონის ჩატარებას, მეტოქეც მილანის სახით ხომ შესაბამისი გვყავს".
სტეფანო პიოლი (მილანის მწვრთნელი): "შეცდომა იქნება იმაზე ფიქრი, თითქოს საქმე შესრულებულია. არა, გადაწყვეტილი არაფერია. რენს შეუძლია სიურპრიზის შემოთავაზება და მოდუნების უფლება არ გვაქვს. მოედანზე გავალთ მოსაგებად, ისე რომ პირველი მატჩის შედეგი საერთოდ არ გვემახსოვრება".
რენის ბოლო 5 მატჩი: რენი-კლერმონი 3:1, მილანი-რენი 3:0, ლე ავრი-რენი 0:1, სოშო-რენი 1:6, რენი-მონპელიე 2:1;
მილანის ბოლო 5 მატჩი: მონცა-მილანი 4:2, მილანი-რენი 3:0, მილანი-ნაპოლი 1:0, ფროსინონე-მილანი 2:3, მილანი-ბოლონია 2:2 ;
სავარაუდო შემადგენლობები:
რენი: მანდანდა, ტეატი, ომარი, ტრუფერტი, გ. დუე, სანტამარია, მატუსივა, ბურიჟო, დ. დუე, ტერიე, კალიმუენდო.
დანაკლისი: ლე ფი, რიედერი, ნაგიდა.
მილანი: მენიო, კიაერი, გაბია, ფლორენცი, ტეო, მუსა, რეინდერსი, ლოფტუს-ჩიკი, ლეაო, პულიშიჩი, ჟირუ.
დანაკლისი: კალაბრია, პობეგა.
რენი-მილანი
ევროპა ლიგა, 1/16 ფინალი;
22 თებერვალი, 21:45 საათი (თბილისის დროით);
როაზონ პარკი, რენი;
მთავარი მსაჯი: ჟოაუ პედრუ პინეირუ (პორტუგალია);
ევროპა ლიგის კიდევ ერთი საინტერესო და ინტრიგით სავსე დაპირისპირება. რომასა და როტერდამის ფეინოორდის პირველი შეხვედრა ფრედ, 1:1 დასრულდა. ეს ის შემთხვევაა, როცა ყველაფერი მართლაც საპასუხო მატჩში გაირკვევა. ფავორიტად მოიაზრება "ჯალოროსი", როგორც მასპინძელი.
პირველ შეხვედრაში მაყურებელმა თანაბარი ბრძოლა იხილა. იგორ პაიშაოს გოლს უპასუხა რომელუ ლუკაკუმ, რომელმაც თავისი მაქსიმუმი "მგლებში" ჯერ კიდევ ვერ გამოავლინა. ბელგიელ ფორვარდს აკრიტიკებენ იმის გამო, რომ პრინციპულ მატჩებში არ ჩანს. ვნახოთ, რა იქნება ამჯერად, "სამხრეთელების" წინააღმდეგ.
არნე სლოტი (ფეინოორდის მწვრთნელი): "ჩვენი მოწინააღმდეგე ატურნირის ერთ-ერთი ფავორიტია, რომელსაც სტუმრად ვეთამაშებით. ურთულესი ბრძოლა გველის, მაგრამ დანებებას არ ვაპირებთ. ვართ ევროპა ლიგის 1/16 ფინალში და ცხადია, უფრო შორს გასვლისთვის ჩვენს მაქსიმუმს გავაკეთებთ".
დანიელე დე როსი (რომას მწვრთნელი): "ფეინოორდთან შეხვედრა ჩვენთვის კიდევ ერთი გამოცდა არის. რომა ფავორიტია? ასე არ მიმაჩნია, რადგან მხოლოდ მასპინძლის სტატუსის გამო კლუბები შემდეგ ეტაპზე ვერ გადიან. მოგვიწევს ბოლომდე ბრძოლა და მაქსიმუმის გაღება. როტერდამელებთან ხუმრობა არ ღირს".
რომას ბოლო 5 მატჩი: ფროსინონე-რომა 0:3, ფეინოორდი-რომა 1:1, რომა-ინტერი 2:4, რომა-კალიარი 4:0, სალერნიტანა-რომა 1:2 ;
ფეინოორდის ბოლო 5 მატჩი: ფეინოორდი-ვალვიკი 1:0, ფეინოორდი-რომა 1:1, ფეინოორდი-სპარტა 2:0, ფეინოორდი-ალკმაარი 2:0, ალკმაარი-ფეინოორდი 0:1;
სავარაუდო შემადგენლობები:
რომა: სვილარი, მანჩინი, ჰოისენი, კრისტენსენი, ანხელინიო, პარედესი, კრისტანტე, ბალდანცი, აზმუნი, ელ შაარავი, ლუკაკუ.
დანაკლისი: აბრაჰამი.
ფეინოორდი: ველენროიტერი, ჰანკო, ბელენი, ნიუკოპი, ჰარტმანი, ზერუკი, ვიფერი, სტენგსი, მინტე, ბარბოსა, უედა.
დანაკლისი: ტრაუნერი, ბილოუ, ვან დენ ბელტი, ზელე.
რომა-ფეინოორდი
ევროპა ლიგა, 1/16 ფინალი, 23:55 (თბილისის დროით);
სტადიო ოლიმპიკო, რომი;
მთავარი მსაჯი: ხესუს ხილ მანსანო (ესპანეთი);
ევროპა ლიგის 1/16 ფინალის სხვა მატჩები:
ტულუზა-ბენფიკა (21:45) - ამ გუნდების პირველი შეხვედრა ლისაბონელთა გამარჯვებით დასრულდა, ანგარიშით 2:1. აღსანიშნავია, რომ პორტუგალიელთა მხრიდან ორივე ბურთი თერთმეტმეტრიანით ანხელ დი მარიამ გაიტანა.
ფრაიბურგი-ლანსი (21:45) - შეხვედრა, რომელმაც ბევრი კითხვა დატოვა. პირველ მატჩში დაფიქსირდა უგოლო ფრე, 0:0.
ყარაბახი-ბრაგა (21:45) - ჩვენთვის ორმაგად საინტერესო შეხვედრა, რადგან აზერბაიჯანული გუნდის ღირსებას ლუკა გუგეშაშვილი იცავს. პირველი მატჩი მოიგეს აღდამელებმა, ანგარიშით 4:2.
მარსელი-შახტარი (23:55) - პირველი შეხვედრა საოცრად დაძაბული გამოდგა და ანგარიშით 2:2 დასრულდა. ვიმედოვნებთ, რომ მოედანზე სამივე ქართველ მოთამაშეს ვიხილავთ: ირაკლი აზაროვს, გიორგი გოჩოლეიშვილსა და ლუკა ლაცაბიძეს.
სპარტა-გალათასარაი (23:55) - თურქულ გუნდს ჩემპიონთა ლიგის პლეი-ოფში გასვლას უწინასწარმეტყველებდნენ, თუმცა მისი ადგილი კოპენჰაგენმა დაიკავა. სტამბოლელები ევროპა ლიგაზე აღმოჩნდნენ და პირველი მატჩი 3:2 მოიგეს.
სპორტინგი-იანგ ბოიზი (23:55) - თითქოს, ყველაფერი გადაწყვეტილია. ლისაბონელებმა პირველ შეხვედრაში იმარჯვეს 3:1, დღეს კი ისინი მასპინძლის სტატუსით არიან.
