[პრევიუ] ფავორიტი ჩოლოს გუნდია, მაგრამ დორტმუნდი არაფრის დათმობას არ აპირებს

ჩემპიონთა ლიგის 1/4 ფინალის წყვილებში ყველაზე თანაბარი დაპირისპირდება, წესით, ატლ. მადრიდი-დორტმუნდში უნდა ვიხილოთ. ორი გუნდი, რომელიც ფურცელზე დაახლოებით ერთნაირი სიძლიერის არის.

როგორც ატლეტიკო, ისე დორტმუნდი საჩემპიონო რბოლაში არ არის ჩართული, ბუნდესლიგას ლევერკუზენი იგებს, ლა ლიგას კი - რეალ მადრიდი. ორივე ეს გუნდი ჩემპიონთა ლიგის ზონისთვის დიდ ბრძოლაში არიან ჩართულები. ჩოლოს გუნდი ამ მომენტისთვის 58 ქულით მე-4 პოზიციაზე იმყოფება, თუმცა ოთხეულში მოხვედრა გარანტირებული არ აქვს. ატლ. ბილბაო და რეალ სოსიედადი სულ რაღაც 2 და 3 ქულით ჩამორჩებიან მადრიდულ გუნდს. რაც შეეხება დორტმუნდს, ტერზიჩის გუნდი ლაიფციგთან ერთად მე-4 და მე-5 ადგილებს იყოფს, ორივე ამ გუნდს 53-53 ქულა აქვს.

ეს გუნდები ამ სეზონში ნაჩვენები თამაშით ერთმანეთს ძალიან გვანან. არასტაბილურობა - ეს სიტყვა ატლეტიკოსაც უხდება და დორტმუნდსაც. არის პერიოდები, როცა ორივე გუნდი კარგ ფორმაში შედის, შემდეგ კი ჩავარდნა ეწყებათ. ასე გრძელდება მთელი სეზონია.

დიეგო სიმეონე (ატლეტიკო მადრიდის მწვრთნელი): “ჩვენი მეტოქე დორტმუნდია, რომელსაც სწრაფი შეტევები უყვარს. ისინი ბევრს დარბიან, კარგები არიან კონტრშეტევებზე და უყვართ ფლანგური შეტევები. ჩვენი მიზანი იქნება ბურთის გაკონტროლება და მათი ფლანგების ბოლომდე შეზღუდვა. გულშემატკივრებისა და საკუთარი კედლების იმედი, რა თქმა უნდა, გვაქვს, ჩვენ ყველას დავანახეთ, რომ ძლიერი გუნდი ვართ, შესაბამისად, ამ შეხვედრაშიც ვგეგმავთ გამარჯვებას.“


ედინ ტერზიჩი (დორტმუნდის მწვრთნელი): “წინ ურთულესი მატჩი გველოდება. ატლეტიკო ევროპაში ერთ-ერთი ყველაზე ძლიერი გუნდია, მათი მწვრთნელი კი ძალიან გამოცდილია. წლების განმავლობაში დორტმუნდი ბევრმა ვარსკვლავმა დატოვა, ამის მიუხედავად, გუნდი ზრდას აგრძელებს. ჩვენი სურვილია ყველას დავანახოთ, რომ ძლიერი და შეკრული გუნდი ვართ, რომელიც 1/4 ფინალში ყოფნას იმსახურებს. დორტმუნდს ნახევარფინალში გასვლა შეუძლია, მე ამის მჯერა.“


ატლეტიკოს ბოლო 5 მატჩი: ვილიარეალი-ატლ. მადრიდი 1:2, ატლ. მადრიდი-ბარსელონა 0:3, ატლ. მადრიდი-ინტერი 2:1 (პენალტების სერია 3:2), კადისი-ატლ. მადრიდი 2:0, ატლ. მადრიდი-ბეტისი 2:1.

დორტმუნდის ბოლო 5 მატჩი: დორტმუნდი-შტუტგარტი 0:1, ბაიერნი-დორტმუნდი 0:2, დორტმუნდი-აინტრახტი 3:1, დორტმუნდი-პსვ 2:0, ვერდერი-დორტმუნდი 1:2.

ურთიერთშეხვედრები: ატლ. მადრიდი-დორტმუნდი 2:0, დორტმუნდი-ატლ. მადრიდი 4:0, დორტმუნდი-ატლ. მადრიდი 1:2, ატლ. მადრიდი-დორტმუნდი 0:1.

სავარაუდო შემადგენლობები: