[პრევიუ] განმეორდება წინა წლის შედეგი? - ნაპოლი შინ იუვენტუსს მიიღებს

დიეგო არმანდო მარადონას სტადიონზე ამ გუნდების ბოლო დაპირისპირება, საკმაოდ სანახაობრივი გამოდგა. ნაპოლიმ შოუ დადგა და მეტოქე 5:1 გაანადგურა. კალცონას გუნდი იმავეს გაკეთებას თუ არა, გამარჯვების მოპოვებას აუცილებლად შეეცდება, რადგან გასულ ტურში სასუოლო გაანადგურეს და კარგ განწყობაზე არიან.

ნაპოლისთვის დიდი ფუფუნებაა ვიქტორ ოსიმენის დაბრუნება, რაც წინა ტურშიც გამოჩნდა. ფაქტია, კვარაცხელია ოსიმენთან ერთად უფრო გახსნილი და შედეგიანია.

იუვენტუსს ბოლო პერიოდში კარგი დრო არ უდგას და ბოლო 5 მატჩიდან, მხოლოდ ერთი მოიგო, ლიდერ ინტერს 12 ქულით ჩამორჩა და საჩემპიონო შანსები შეიმცირა.

ფრანჩესკო კალცონა (ნაპოლის მწვრთნელი): "წინა ტურში ასეთი გამარჯვება კარგი იყო, მაგრამ კიდევ მეტი მოგება გვჭირდება, რათა ცხრილში კომფორტული პოზიციები დავიკავოთ. იუვენტუსთან გამარჯვება ჩვენთვის ფსიქოლოგიურად მნიშვნელოვანი იქნება. მოხარული ვარ, რომ ოსიმენი დაბრუნდა, კვარაცხელიამ კი თავისი ძველი ფორმა დაიბრუნა."