[პრევიუ] ინტერის პირველი რთული გამოცდა ევროთასებზე

ერთი სიტყვით, ის შოუები, რომელსაც სიმონე ინძაგის გუნდი დგამს სერია ა-ში, ევროპაში ჯერ არ გასულა. რაც შეეხება "როხიბლანკოს", ობიექტურად, ამ კლუბის მაქსიმუმი პრიმერა დივიზიონში წელს ჩემპიონთა ლიგის ზონაში დარჩენისთვის ბრძოლაა. 25 ტურის შემდეგ, "ინდიელები" 51 ქულით მე-4 პოზიციაზე არიან.

ლა ლიგას ლიდერობს მეზობელი რეალი, რომელთანაც ჩამორჩენა 11 ქულას შეადგენს. ჩემპიონთა ლიგაზე კი დიეგო სიმეონეს გუნდმა, რომის ლაციოსთან ერთად, როტერდამის ფეიენოორდისა და გლაზგოს სელტიკის ბარიერი გადალახა. რას ველოდოთ ინტერისა და მეტროპოლიტანოს ბინადრების მატჩისგან? თანაბარ და ტაქტიკურად გადატვირთულ ბრძოლას.

მილანელებისა და ატლეტიკოს გზები ისტორიის განმავლობაში მხოლოდ ერთხელ გადაიყარა. ეს მოხდა 2010 წლის უეფას სუპერთასზე, როდესაც ჩემპიონთა ლიგის მოქმედმა ტრიუმფატორმა "ნერაძურიმ" ევროპა ლიგის ჩემპიონ მადრიდელებთან 0:2 წააგო. გოლები იმ მატჩში სერხიო აგუერომ და ხოსე ანტონიო რეიესმა გაიტანეს.

სიმონე ინძაგი (ინტერის მწვრთნელი): "მე და სიმეონე ლაციოში თანაგუნდელები ვიყავით. ის დრო ძალიან დადებითად მახსენდება. ყოველთვის ვფიქრობდი, რომ დიეგოსგან ძალიან კარგი მწვრთნელი დადგებოდა. რაც შეეხება ატლეტიკოსთან მატჩს, ეს იქნება ურთულესი თამაში, ვეცდებით ინტერის საუკეთესო ვერსიის ჩვენებას".

დიეგო სიმეონე (ატლეტიკოს მწვრთნელი): "ინტერი ევროპის ერთ-ერთი საუკეთესო გუნდია. ისინი გავიდნენ ჩემპიონთა ლიგის ფინალში, წელს კი სერია ა-ს დამაჯერებლად ლიდერობენ. ინძაგისთან მაქვს ძალიან კარგი ურთიერთობა და მიხარია, რომ მის მიერ გაწვრთნილი მილანური კლუბი ასეთი ანგარიშგასაწევი ძალაა".

ინტერის ბოლო 5 მატჩი: ინტერი-სალერნიტანა 4:0, რომა-ინტერი 2:4, ინტერი-იუვენტუსი 1:0, ფიორენტინა-ინტერი 0:1, ნაპოლი-ინტერი 0:1

ატლეტიკოს ბოლო 5 მატჩი: ატლეტიკო-ლას პალმასი 5:0, სევილია-ატლეტიკო 1:0, ატლეტიკო-ბილბაო 0:1, რეალი-ატლეტიკო 1:1, ატლეტიკო-რაიო 2:1

გუნდების სავარაუდო შემადგენლობები:

ინტერი: ზომერი, დე ვრეი, პავარი, ბასტონი, დარმიანი, დიმარკო, მხითარიანი, ჩალჰანოღლუ, ბარელა, ტურამი, ლაუტარო
დანაკლისი: აჩერბი, კუადრადო

ატლეტიკო: ობლაკი, ვიტსელი, სავიჩი, ერმოსო, ლორენტე, ლინო, ბარიოსი, დე პაული, კოკე, გრიზმანი, დეპაი
დანაკლისი: ასპილიკუეტა, მორატა, ლემარი, პაულო

ინტერი-ატლეტიკო
ჩემპიონთა ლიგა, 1/8 ფინალი, 23:55 (ჩვენი დროით)
ჯუზეპე მეაცა, მილანი
მთავარი მსაჯი: ისტვან კოვაჩსი (რუმინეთი)