[პრევიუ] კალცონას პირველი მატჩი სერია ა-ში - ნაპოლი კალიარის ესტუმრება

24 მატჩის შემდეგ, ნაპოლის 36 ქულა აქვს, მე-9 ადგილზე იმყოფება და ჩემპიონთა ლიგის ზონას 12 ქულით ჩამორჩება. კალიარიმ კი 25 მატჩში მხოლოდ 19 ქულა მოაგროვა და ბოლოსწინა, მე-19 პოზიციას, იკავებს.

პირველ წრეში გუნდები ერთმანეთს ნეაპოლში შეხვდნენ, სადაც მასპინძლებმა ვიქტორ ოსიმენისა და ხვიჩა კვარაცხელიას გოლებით 2:1 მოიგეს. ბოლო 5 ურთიერთდაპირისპირებაში კი ნაპოლიმ 3-ჯერ იმარჯვა, ხოლო 2 მატჩი ფრედ დასრულდა.

ნაპოლი: მერეტი, რუი, ჟესუსი, რაჰმანი, მაძოკი, ლობოტკა, ანგისა, ტრაორე, ლინდსტრომი, კვარავხელია, ოსიმენი.

კალიარი: სკუფეტი, ძაპა, მინა, დოსენა, აუჯელო, მაკუმბუ, ნანდესი, დიეოლა, გაეტანო, ლუვუმბო, ლაპადულა.

სერია ა-ში დებიუტი ექნება ნაპოლის ახალ მთავარ მწვრთნელს, ფრანჩესკო კალცონას, რომელმაც გუნდი სულ რამდენიმე დღის წინ ჩაიბარა და ჩემპიონთა ლიგაზე ბარსელონასთან ფრე ითამაშა. ნეაპოლურმა კლუბმა იტალიის ჩემპიონატის ბოლო 5 მატჩიდან, 2 მოიგო, 1 წააგო და 2 ფრედ დაასრულა. კალიარიმ კი 4 წააგო და 1 მატჩი დაასრულა ფრედ.

კალიარისა და ნაპოლის დღევანდელი დაპირისპირება, თბილისის დროით, 18:00 საათზე დაიწყება.