![[პრევიუ] კლოპის გუნდის გამოცდა - თანაქალაქელი ევერტონის დამარცხება და რბოლაში დარჩენა](/_next/image?url=https%3A%2F%2Flagazzetta-uploads.s3.us-east-1.amazonaws.com%2Fuploads%2Fposts%2F7qWjqJneFHSytEOD68FwL67pbDBDiIlg.webp&w=3840&q=75)
ენფილდელები საჩემპიონო რბოლაში არიან - 74 ქულა, მეორე ადგილი. ერთმა კონკურენტმა, ლონდონის არსენალმა თავის თამაშში უკვე იმარჯვა, მანჩესტერ სიტის 2 მატჩი თადარიგში აქვთ, ახლა კი ჯერი იურგენ კლოპის გუნდზეა. "კანფეტები" 30 ქულით მე-16 პოზიციაზე არიან და გასავარდნ ზონამდე სხვაობა 5 ქულას შეადგენს.
შონ დაიჩი (ევერტონის მწვრთნელი): "ლივერპულს სხვა გეგმები აქვს, ჩვენ - სხვა, თუმცა დღეს, ორივე გუნდის მიზანი გამარჯვების მოპოვება იქნება. ევერტონი ეცდება მოგებასა და სატურნირო მდგომარეობის გამოსწორებას. არ აქვს მნიშვნელობა, როგორი ძლიერია ჩვენი მეტოქე, არაფრის დათმობას არ ვაპირებთ".
იურგენ კლოპი (ლივერპულის მწვრთნელი): "ჩვენი უახლოესი მოწინააღმდეგე ევერტონია და ამ გუნდთან დაპირისპირება მარტივი არასდროს არის. ზოგადად, პრემიერ ლიგა მსოფლიოს ყველაზე ძლიერი ჩემპიონატია, სადაც ყოველ მატჩში ზეწოლის ქვეშ ხარ. ამის მიუხედავად, ჩვენი მიზნები არ იცვლება".
სავარაუდო შემადგენლობა
ევერტონი-ლივერპული:
პრემიერ ლიგა, 29-ე ტური;
ლივერპული, გუდისონ პარკი;
