![[პრევიუ] კონფერენს ლიგა: კიტეიშვილის შტურმი ლილის წინააღმდეგ და სხვა 1/8 ფინალური მატჩები](/_next/image?url=https%3A%2F%2Flagazzetta-uploads.s3.us-east-1.amazonaws.com%2Fuploads%2Fposts%2FfGXGa6SqdLSxXvhBlmrabiYaasArjNbX.webp&w=3840&q=75)
"მასტიფებთან" შეხვედრამდე, ავსტრიელებმა კონფერენს ლიგაზე გადალახეს ბრატისლავას სლოვანის ბარიერი. ჩვენს წინაშე იყო ერთგვარი ქართული დერბი - "შავ-თეთრების" მხრიდან კიტეიშვილი, სლოვაკების მხრიდან კი ჯაბა კანკავა და გურამ კაშია. როგორც ვხედავთ, გამარჯვებული ოთარი და მისი შტურმი გამოვიდა.
აქვე დავამატებთ, გრაცელები კონფერენს ლიგაზე მას შემდეგ მოხვდნენ, რაც ევროპა ლიგის ჯგუფური ეტაპი ვერ გადალახეს. ცნობისთვის, ფრანგები თავიდანვე ამ ტურნირზე იყვნენ. დავუბრუნდეთ ქართველ შუახაზელს, რომელმაც ევროპა ლიგაზე ორი ასისტი ჩაიწერა, კონფერენს ლიგაზე კი სლოვანის კარში გოლის გატანაც მოახერხა.
მიმდინარე სეზონში ავსტრიული გუნდის ცენტრალური ნახევარმცველის ზოგადი სტატისტიკა ასეთია: 27 შეხვედრა, ექვსი გოლი და ექვსი საგოლე გადაცემა. ვნახოთ, რას იზამს 27 წლის შუახაზელი ჩრდილოელებთან მატჩში. აქვე დავამატებთ, შტურმისა და ლილის დაპირისპირების გარდა, მაყურებელი კიდევ 7 თამაშს იხილავს.
კრისტიან ილცერი (შტურმის მწვრთნელი): "მოწინააღდმეგე ლიგა 1-ის უკანასკნელი წლების ერთ-ერთი საუკეთესო გუნდია და ცხადია, იოლი გასეირნება არ გველის. ვეცდებით მაქსიმუმის გაკეთებას".
პაულო ფონსეკა (ლილის მწვრთნელი): "შტურმმა ძალიან კარგად წარმოაჩინა თავი სლოვანთან ორრაუნდიან დაპირისპირებაში და ამ გუნდზე მხოლოდ დადებითის თქმა შემიძლია. მათ ლილისთვის პრობლემების შექმნა შეუძლიათ".
შტურმის ბოლო 5 მატჩი: შტურმი-ვოლფსბერგერი 4:0, ტიროლი-შტურმი 0:2, სლოვანი-შტურმი 0:1, შტურმი-რაპიდი 1:1, შტურმი-სლოვანი 4:1
ლილის ბოლო 5 მატჩი: რეიმსი-ლილი 0:1, ტულუზა-ლილი 3:1, ლილი-ლე ავრი 3:0, პსჟ-ლილი 3:1, ლიონი-ლილი 2:1
სავარაუდო შემადგენლობები:
შტურმი: იაროსი, აფენგრუბერი, ლავალი, გაზიბეგოვიჩი, შნეგი, სტანკოვიჩი, ჰორვატი, პრასი, კიტეიშვილი, ბიერეთი, სარკარია.
დანაკლისი: შერპენი, ბორკოვიჩი, ბინეტი, იატა.
ლილი: შევალიე, დიაკიტე, იორო, გუდმუნდსონი, სანტოსი, ანდრე, იაზიჩი, გომესი, ჟეგროვა, ჰარალდსონი, დევიდი.
დანაკლისი: ილიჩი.
კონფერენს ლიგის სხვა მატჩები:
აიაქსი-ასტონ ვილა (21:45)
ოლიმპიაკოსი-მაკაბი თელავივი (21:45)
მიოლდე-ბრიუგე (21:45)
მაკაბი ჰაიფა-ფიორენტინა (23:55)
უნიონი-ფენერბახჩე (23:55)
დინამო ზაგრები-პაოკი (23:55)
სერვეტი-პლზენი (23:55)
