[პრევიუ] კონფერენს ლიგა: წინ დაძაბული განმეორებითი მატჩები გველოდება

სავარაუდო შემადგენლობები:

ასტონ ვილა: მარტინესი, ქეში, დიეგო კარლოსი, ლანგლე, პაუ ტორესი, მორენო, დუგლას ლუისი, მაკგინი, ტილემანსი, უოტკინსი, ბეილი.
დანაკლისი: კონსა, ბუენდია, კამარა, მინგსი, ძანიოლო.

აიაქსი: რამაჯი, რენში, სუტალო, კაპლანი, ჰატო, სოსა, ჰენდერსონი, მანსვერკი, ჰლინსონი, ბრობი, ტეილორი.
დანაკლისი: ბერხუისი, გოიერი, ავილია, ბერგვაინი.

კონფერენს ლიგის სხვა მატჩები:

პაოკი-დინამო ზაგრები (21:45) - იმის მიუხედავად, რომ პირველ შეხვედრაში ხორვატებმა 2-0 მოიგეს, საბერძნეთში თამაში მარტივი არასდროს არის, ამიტომ მასპინძელი გუნდი უშანსოდ ნამდვილად არ იქნება.

ფენერბაჰჩე-როიალ უნიონი (21:45) - აქ წყვილში თითქმის ყველაფერი გარკვეულია. თურქულმა გუნდმა პირველ შეხვედრაში მეტოქეს 3 უპასუხო გოლი გაუტანა და განმეორებითი მატჩის წინ დიდი უპირატესობა შეიქმნა.

ფიორენტინა-მაკაბი ჰაიფა (21:45) - მერვედფინალური ეტაპის საუკეთესო მატჩი, 4-3 და ყველაფერი იტალიაში გაირკვევა. გუნდებმა საოცარი პირველი შეხვედრა შემოგვთავაზეს და დიდი ალბათობით არც მეორე მატჩში გაგვიცრუებენ იმედებს.

პლზენი-სერვეტი ჟენევა (21:45) - აქ შანსები აშარად 50-50-ზეა. პირველ შეხვედრაში უპირატესობა შვეიცარიულ გუნდს ჰქონდა, თუმცა პლზენს ევროტურნირებზე თამაშის დიდი გამოცდილება აქვს, შესაბამისად განსხვავებულ მეორე თამაშს ველოდებით.

ლილი-შტურმი გრაცი (23:55) - ოთარ კიტეიშვილის გუნდი პირველ მატჩში უშანსოდ დამარცხა, გუნდებს შორის სხვაობა ნათელი იყო. განმეორებითი შეხვედრა კი საფრანგეთშია, შესაბამისად შტურმის შანსები მიზერულია.

მაკაბი თელ-ავივი-ოლიმპიაკოსი (23:55) - პირველ შეხვედრაში პატარა სენსაცია იყო ბერძნული გუნდის ასეთი მარცხი. მაკაბიმ ნახევარი საქმე უკვე გააკეთა და ახლა მზად არის სახლში საქმე ბოლომდე მიიყვანოს.

ბრიუგე-მიოლდე (23:55) - წინ საოცრად დაძაბული მატჩი გველოდება, რადგან ბელგიელებს სახლში საკუთარი გულშემატკივრის იმედი ექნებათ. 1-2 ისეთი ანგარიშია, რომ განაღდებული სტუმარ გუნდს არაფერი აქვს.