[პრევიუ] კვარაცხელიას ნაპოლი საზონოვის ტორინოს მიიღებს

დიახ, ქართველი გარემარბი თებერვლის თვის საუკეთესო ფეხბურთელი გახდა. ამის გარდა, ის შესანიშნავ ფორმაში ყოფნას მარტშიც აგრძელებს. "აძურის" კატასტროფული სეზონის შესახებ უკვე ბევრი ითქვა და დაიწერა, მაგრამ ახლა თითქოს ყველაფერი გამოსწორებისკენ მიდის. ამაზე "ლურჯების" ბოლოდროინდელი შედეგები მეტყველებს.

ფრანჩესკო კალცონას დანიშნვის შემდეგ, სკუდეტოს მოქმედი ტრიუმფატორები ჯერჯერობით დაუმარცხებლები არიან - ორი მოგება და ორი ფრე. სტადიო მარადონაზე საინტერესო დაპირისპირებები ვიხილეთ: ბარსელონა (1:1) და ტურინის იუვენტუსი (2:1). ვნახოთ, რამდენ ხანს გასტანს ამ კლუბის წაუგებელი სერია.

რაც შეეხება დღევანდელ შეხვედრას, ნაპოლი ფავორიტად მოიაზრება რამდენიმე მიზეზის გამო. შინაური კედლების ფაქტორი, თამაშის კლასი, გამოცდილება და სხვ. "პარტენოპეის" ვინგერის შესახებ თუ ყველაფერი ნათელია, გაურკვეველია, ითამაშებს თუ არა საბა საზონოვი. "გრანატას" უკანასკნელი მატჩების მიხედვით, ქართველი უკანახაზელი თამაშის მიწურულს შემოდის.

ფრანჩესკო კალცონა (ნაპოლის მწვრთნელი): "მომავალ კვირას გველის გასვლითი შეხვედრა ბარსელონასთან, თუმცა ეს არ ნიშნავს იმას, რომ არ გვაინტერესებს ყველფერი ის, რაც იქამდე იქნება. ტორინოსთან მატჩიც არანაკლებ მნიშვნელოვანია, რადგან სასწორზე 3 ქულა დევს. ჩვენი მიზანი ამ თამაშის მოგებაა".

ივან ჯურიჩი (ტორინოს მწვრთნელი): "არ აქვს მნიშვნელობა, თუ როგორ ფორმაშია ნაპოლი, ეს გუნდი ყოველთვის სახიფათოა. ჩვენ სერია ა-ს მოქმედ ჩემპიონზე ვსაუბრობთ. კალცონას ხელში "პარტენოპეი" მართლაც გარდაიქმნა და თავის შარშანდელ ანალოგს დაემსგავსა. რთული მატჩი გველოდება, თან სტუმრად."

ნაპოლის ბოლო 5 მატჩი: ნაპოლი-იუვენტუსი 2:1, სასუოლო-ნაპოლი 1:6, კალიარი-ნაპოლი 1:1, ნაპოლი-ბარსელონა 1:1, ნაპოლი-ჯენოა 1:1

ტორინოს ბოლო 5 მატჩი: ტორინო-ფიორენტინა 0:0, რომა-ტორინო 3:2, ტორინო-ლაციო 0:2, ტორინო-ლეჩე 2:0, სასუოლო-ტორინო 1:1

ნაპოლი: მერეტი, ჟეზუსი, ოსტიგორი, დი ლორენცო, ოლივეირა, ანგისა, ლობოტკა, ჟიელინსკი, პოლიტანო, კვარაცხელია, ოსიმენი

დანაკლისი: რაჰმანი, კაიუსტე

ტორინო: სავიჩი, ჯიჯი, ბონჯორნო, როდრიგესი, ლაზარო, ბელანოვა, ლინეტი, გინეიტისი, ვლაშიჩი, საპატა, სანაბრია

დანაკლისი: ტამეზე, ვოივოდა, შურს, ლოვატო, ილიჩი, რიკი,