[პრევიუ] მატჩი, რომელიც საჩემპიონო რბოლაში უდიდეს როლს თამაშობს

ვერმოგების შემთხვევაში, "ლურჯები" დარჩებიან მეორე ადგილზე, რაც იმას ნიშნავს, რომ ჩემპიონობის ბედი მთლიანად ლონდონის არსენალის ხელში იქნება. რაც შეეხება სპურსს, დღეს წაგება ავტომატურად იქნება იმის მანიშნებელი, რომ ევროპის ყველაზე პრესტიჟულ საკლუბო ტურნირზე ითამაშებს არა ეს გუნდი, არამედ ბირმინგემის ასტონ ვილა.

ანდე პოსტეკოგლუ (ტოტენჰემის მწვრთნელი): "სასწორზე მართლაც ბევრი რამ დევს. დღევანდელ შეხვედრაში სიტის აქვს თავისი მიზანი, ჩვენ კი საკუთარი ინტერესები გაგვაჩნია. არ ვიცი, რა მოხდება დღევანდელ მატჩში, მაგრამ ფაქტია, ტოტენჰემი არაფერს დათმობს, ისევე როგორც ჩემპიონობისთვის მებრძოლი მანჩესტერული გუნდი."

პეპ გვარდიოლა (სიტის მწვრთნელი): "მარცხის ან თუნდაც ფრეს შემთხვევაში, ჩემპიონობას, უდიდესი ალბათობით, დავემშვიდობებით. აქედან გამომდინარე, შეცდომის დაშვების უფლება არ გვაქვს. რთული იქნება, რადგან მეტოქე ტოტენჰემია, მაგრამ თუ გვინდა პირველ პოზიციაზე გასვლა, ასეთ მატჩებშიც უნდა ვიღებდეთ 3 ქულას".

პრემიერ ლიგა, 37-ე ტური;

14 მაისი, 23:00 საათი;

ლონდონი, ტოტენჰემ ჰოტსპურ სთეიდიუმი;

მთავარი მსაჯი: კრის კავანაგი.