![[პრევიუ] მატჩი, სადაც მოგების გარდა სხვა შედეგი არც კი განიხილება](/_next/image?url=https%3A%2F%2Flagazzetta-uploads.s3.us-east-1.amazonaws.com%2Fuploads%2Fposts%2FIC7HQyOJnvvuk7k062CY0qkAhC9M1mNy.webp&w=3840&q=75)
ისტორიული მატჩი ფინალში, საბერძნეთსა და ყაზახეთს შორის გამარჯვებულ ნაკრებებს შორის იქნება, დღეს კი ისეთი თამაშია, რომ მოგების გარდა სხვა შედეგი არც კი განიხილება.
დისკვალიფიკაციის გამო, ლუქსემბურგთან ხვიჩა კვარაცხელია ვერ ითამაშებს. დანარჩენი ყველა ფეხბურთელი მწყობრშია როგორც მენტალურად, ისე ფიზიკურად.
რა თქმა უნდა, "დინამო არენას" ყველა ბილეთი უკვე დიდი ხანია გაყიდულია და ანშლაგის მოლოდინში ვართ. სტუმარი ნაკრებიდან კი მატჩს მხოლოდ 300 გულშემატკივარი დაესწრება.
აღსანიშნავია, რომ საქართველოს ნაკრებს განწყობის შექმნაში არც ლუსქემბურგელები ჩამოუვარდებიან და ამბობენ, რომ მათ სავსე ტრიბუნების საერთოდ არ ეშინიათ.
ლუკ ჰოლცი (ლუქსემბურგის მწვრთნელი): "ნაკრებში კარგი განწყობაა, ყველანი მშვიდად ვართ, ხვალინდელ თამაშს თავდაჯერებულები ვხვდებით და ეს ძალიან მნიშვნელოვანია. ასეთ დიდ თამაშში მონაწლეობის მიღება ჩვენთვის დიდი სტიმული და გამოწვევაა, რისთვისაც მზად ვართ. ჩემი მხრიდან ფეხბურთელებს დამატებითი მოტივაცია არ სჭირდებათ. რაც მთავარია საერთოდ არ ვნერვიულობთ არც მწვრთნელები და არც ფეხბურთელები. საქართველოს ნაკრებს არაერთი მაღალი დონის ფეხბურთელი ჰყავს და დარწმუნებული ვარ, კვარაცხელიას გარეშეც კარგი გუნდი იქნება. ზოგადად ასეა, როცა ლიდერი გაკლდება, იმ მატჩში ორმაგად მონდომებული გადიხარ მოედანზე. საქართველოს ნაკრებს გულშემატკივრობის მხრივ უპირატესობა აქვს, მაგრამ გოლი არა მაყურებელს, არამედ ფეხბურთელებს გააქვთ"
ვილი სანიოლი (საქართველოს მწვრთნელი): "ასეთი დონის მატჩში სულისკვეთება ძალიან მნიშვნელოვანია. ფეხბურთელებს ვეუბნები, თუ რაზე უნდა ჰქონდეთ კონცეტრაცია თამაშის დროს. ერთი თამაშია, სადაც აუცილებლად კონცეტრაციით და გონებით უნდა ვითამაშოთ. მოტივაცია არ გვაკლია და ვეცდებით, თავი საუკეთესოდ გამოვავლინოთ. საკმაოდ აღელვებული ვარ და ეს ნორმალურია. ფეხბურთელების მსგავსად, მეც მონდომებული ვარ. როგორც მწვრთნელები, ასევე ფეხბურთელები, ასეთი დიდი თამაშებისთვის ვემზადებით. მნიშვნელოვანია, რომ პოზიტიურად ვიყოთ განწყობილნი და გამარჯვებაზე ვკონცენტრირდეთ.
ოთარ კიტეიშვილი (საქართველოს ნაკრების ფეხბურთელი): „ველოდებით თამაშს, რომელიც კარიერის მატჩია. ნაკრებში ძალიან კარგი განწყობაა, თუმცა ამ თამაშებზე ეს კიდევ გაასმაგებულია, ვემზადებით რომ ჩვენი ოცნება ავიხდინოთ. განსაკუთრებით ბოლო პერიოდში ლუქსემბურგმა თავი კარგად წარმოაჩინა. ჩვენ ვემზადებით მატჩისთვის, ჯერ ორი ვარჯიში ჩავატარეთ, ტაქტიკაზე დღეს და ხვალ ვიმუშავებთ. ნაკრების ყველა ფეხბურთელი კონცენტრირებულია, ყველა ჩვენგანმა საკუთარი თავის საუკეთესო ვერსია უნდა წარმოვადგინოთ.
საინტერესო ფაქტები
საქართველოს ნაკრების შემტევი გიორგი ჩაკვეტაძე ერთა ლიგის ტურნირის ისტორიაში პირველი გოლის ავტორია
ლუქსემბურგის ნაკრების ფეხბურთელმა გერსონ როდრიგესმა ბოლო 6 მატჩში 4 გოლი გაიტანა
საქართველოს ნაკრებს 2023 წლის სექტემბრის შემდეგ საკუთარ მოედანზე არ წაუგია
საქართველოს ნაკრების ბოლო 4 მატჩში, პირველ 15 წუთში ჯამში 5 გოლი გავიდა.
ევრო2024-ის საკვალიფიკაციო ეტაპზე ლუქსემბირგმა 5 მატჩი მოიგო - იმაზე მეტი, ვიდრე აქამდე ჯამში ისტორიულად
საქართველო-ლუქსემბურგი
ერთა ლიგის ნახევარფინალი
21 მარტი, 21:00
დინამო არენა, თბილისი
მთავარი მსაჯი: ხოსე მარია სანჩესი (ესპანეთი)
სავარაუდო შემადგენლობა:
