[პრევიუ] ქართული კლასიკო დინამო არენაზე - დინამო თბილისი ტორპედოს წინააღმდეგ

თუ წლების განმავლობაში ეს გუნდები ერთმანეთს ჩემპიონობისთვის ებრძოდნენ, წელს სიტუაცია სხვაგვარია - დინამო თბილისი ეროვნულ ლიგაში დასარჩენად იბრძვის, ტორპედო კი - ჩემპიონობისთვის.

დინამოელებს ფლეიაუტის ზონასთან მხლოდ 4 ქულა აშორებთ, ამიტომ მათთვის ყველა ქულას დიდი მნიშვნელობა აქვს, ტორპედო ლიდერ გორის დილას 6 ქულით ჩამორჩება, თუმცა 2 თამაშით ნაკლები აქვს ჩატარებული.

ორივე ეს გუნდი წელს კონფერენს ლიგის საკვალიფიკაციო ეტაპზე ასპარეზობდა, თუმცა სამწუხაროდ, ასპარეზობას გამოეთიშნენ.

აღსანიშნავია, რომ წინა ტურში დინამო თბილისმა სტუმრად თელავი დაამარცხა, ტორპედოს კი 5 აგვისტოს შემდეგ არ უთამაშია, რადგან იბერიას გასულ ტურში მატჩის გადადებაზე დათანხმდა.

ეს გუნდები ერთმანეთს გასულ თვეს საქართველოს სუპერთასის ფინალში შეხვდნენ, სადაც ტორპედომ გაიმარჯვა და კიდევ ერთ ტიტულს დაეუფლა.

სეზონის განახლების წინ, დინამო თბილისმა რამდენიმე ფეხბურთელი დაიბრუნა - ნინუა, ხვადაგიანი და სხირტლაძე. ტორპედოს ახალწვეული მომო იანსანე კი ჯერჯერობით გამორჩეული ტრანსფერია. მან ტორპედოს მაისურით ჩატარებულ ყველა მატჩში გოლი გაიტანა.

ეროვნული ლიგა, 21-ე ტური;

18 აგვისტო, 20:00;

დინამო არენა, თბილისი;

მთავარი მსაჯი: ალექსანდრე აფციაური;

დინამო თბილისი: მაქაცარია, ანანგი, კალანდაძე, ხვადაგიანი, ხარებაშვილი, ოსიყმაშვილი, ნინუა, მოისწრაფიშვილი, რაიტერი, სანტისი, სალია.

ტორპედო: კლიაიჩი, ვარლეი, სანდოხაძე, სახო, შერგელაშვილი, გიგაური, იანსანე, ელიტონ ჟუნიორი, პირესი, ნინკოვიჩი, იონსენი.