![[პრევიუ] სერია ა-ს ტურის ცენტრალური მატჩი - ტურინული დერბი](/_next/image?url=https%3A%2F%2Flagazzetta-uploads.s3.us-east-1.amazonaws.com%2Fuploads%2Fposts%2FJZEPcg1pOKynjkMxwerl4cmZR6NaPm9h.webp&w=3840&q=75)
სერია ა-ს გასულ ტურში ფლორენციის ფიორენტინას დამარცხებით, "ბიანკონერიმ" გაიხსენა გამარჯვების გემო, რითაც არ მისცა მეოთხე ადგილზე მყოფ ბოლონიას მოახლოების საშუალება. მათ შორის სხვაობა 4 ქულაა, მე-2 პოზიციაზე მყოფ მილანთან ჩამორჩენა კი 6 ქულას შეადგენს. "შავ-თეთრების" მიზანი ჩემპიონთა ლიგის ზონაში დამკვიდრებაა.
"ხარები" 44 ქულით არიან მეცხრე ადგილზე და მათი მიზანი სეზონის რაც შეიძლება მაღალ პოზიციაზე დასრულებაა. საინტერესოა, გამოჩნდება თუ არა დერბიში საბა საზონოვი, რომელიც თავისი გუნდის შემადგენლობაში ხშირ შემთხვევაში მატჩის მეორე ნახევრის ბოლოსკენ ჩნდება. ვნახოთ, რა იქნება ამჯერად.
ივან ჯურიჩი (ტორინოს მწვრთნელი): "ტურინულ დერბიში მონაწილეობის მიღება ყოველთვის განსაკუთრებული მოვლენაა. დიახ, იუვენტუსი შემადგენლობით ჩვენზე ძლიერია, მაგრამ ეს ფაქტორი დერბიში გადამწყვეტი არასდროს ყოფილა. მთავარია მონდომება და ამ მხრივ ტორინოში ყველაფერი რიგზეა".
მასიმილიანო ალეგრი (იუვენტუსის მწვრთნელი): "ვეთამაშებით ჩვენთვის ერთ-ერთ ყველაზე პრინციპულ მოწინააღმდეგეს. მიზანი, ჩემპიონთა ლიგის ზონაში დამკვიდრებაა და ამისთვის ყველაფერს გავაკეთებთ. დღეს გვჭირდება მოგება, რადგან ევროპის ყველაზე პრესტიჟულ საკლუბო ტურნირზე მოხვედრისთვის ძალიან დიდი კონკურენციაა".
ტორინოს ბოლო 5 მატჩი: ემპოლი-ტორინო 3:2, ტორინო-მონცა 1:0, უდინეზე-ტორინო 0:2, ნაპოლი-ტორინო 1:1, ტორინო-ფიორენტინა 0:0
იუვენტუსის ბოლო 5 მატჩი: იუვენტუსი-ფიორენტინა 1:0, იუვენტუსი-ლაციო 2:0, ლაციო-იუვენტუსი 1:0, იუვენტუსი-ჯენოა 0:0, იუვენტუსი-ატალანტა 2:2
სავარაუდო შემადგენლობები
ტორინო: მილინკოვიჩ-სავიჩი, როდრიგესი, ბონჯორნო, ტამესე, ბელანოვა, ლაზარო, ლინეტი, რიკი, ვლაშიჩი, სანაბრია, საპატა
დანაკლისი: შურსი, ჯიჯი, გინეიტისი, პელეგრი
იუვენტუსი: შესნი, დანილო, ბრემერი, გატი, კამბიაზო, მაკენი, ლოკატელი, რაბიო, კოსტიჩი, კიეზა, ვლაჰოვიჩი
დანაკლისი: პოგბა, მილიკი, ფაჯოლი
ტორინო-იუვენტუსი
სერია ა, 32-ე ტური
13 აპრილი, 20:00 საათი
ტურინი, გრანდე ტორინო
მთავარი მსაჯი: ფაბიო მარესკა
