[პრევიუ] წინასწარი ფინალი? - ჩემპიონთა ლიგის 2 მთავარი ფავორიტის შეხვედრა 1/4 ფინალში

ამ წყვილის შეხვედრა ნაადრევ ფინალადაცაა მიჩნეული, რადგან რეალი და სიტი ჩემპიონთა ლიგის მიმდინარე სეზონის მთავარ ფავორიტებად ითვლებიან.

1/8-ფინალური ეტაპი ორივე გუნდმა წარმატებით გაიარა. რეალმა ლაიფციგი დაამარცხა, მანჩესტერ სიტის კი კოპენჰაგენის ბარეირის დაძლევა არ გასჭირვებია.

აღსანიშნავია, რომ სამეფო კლუბს 2024 წელს წაგება საერთოდ არ აქვს. მათ მხოლოდ ერთი მატჩი დათმეს, ისიც კოპა დელ რეიზე და დამატებით დროში ატლეტიკოსთან. რეალი ლა ლიგის კიდევ ერთ ტიტულს უახლოვდება.

რაც შეეხება მანჩესტერ სიტის, პრემიერ ლიგაში სერიოზული ბრძოლა აქვს. ჩემპიონობისთვის არსენალსა და ლივერპულს ებრძვის. რეალის მსგავსად, წელს წაგება არც გვარდიოლას გუნდს არ აქვს, თუმცა ინგლისის ჩემპიონატში კომფორტული უპირატესობის შესაქმნელად ეს საკმარისი არ არის.

კარლო ანჩელოტი (რეალის მწვრთნელი): "ამ წყვილს ფავორიტი არ ჰყავს. ორივე გუნდში ტექნიკური და მაღალი დონის ფეხბურთელები თამაშობენ და 180 წუთი გადაწყვეტს, ვინ გავა შემდეგ ეტაპზე. გვარდიოლა ტოპ დონის მწვრთნელია, ტოპ გუნდი ჰყავს, მაგრამ ეს ჩემთვის მნიშვნელოვანი არ არის, რადგან ჩემი საფიქრალი ჩემი გუნდის წარმატებული თამაშია".

პეპ გვარდიოლა (მანჩესტერ სიტის მწვრთნელი): "როდრიგო, ბელინგემი, ვინისიუსის სახით, მათ ბრწყინვალე შეტევა ჰყავთ, მაგრამ არ დაგავიწყდეთ, რომ გოლების გატანა ჩვენც გვიყვარს. რეალს აგრესიულად უნდა ვეთამაშოთ და ყურადღება არცერთი წამით არ მოვადუნოთ, რადგან გამოცდილი გუნდია და აუცილებლად დაგვსჯის".

რეალის ბოლო 5 მატჩი: რეალი-ბილბაო 2:0, ოსასუნა-რეალი 2:4, რეალი-სელტა 4:0, რეალი-ლაიფციგი 1:1, ვალენსია-რეალი 2:2;

მანჩესტერ სიტის ბოლო 5 მატჩი: კრისტალ პალასი-მანჩესტერ სიტი 2:4, მანჩესტერ სიტი-ასტონ ვილა 4:1, მანჩესტერ სიტი-არსენალი 0:0, მანჩესტერ სიტი-ნიუკასლი 0:0, ლივერპული-მანჩესტერ სიტი 1:1;

ჩემპიონთა ლიგა, 1/4 ფინალი;

9 აპრილი, 23:00;

სანტიაგო ბერნაბეუ, მადრიდი;

მთავარი მსაჯი: ფრანსუა ლეტექსია;

რეალი: ლუნინი, კარვახალი, ჩუამენი, რუდიგერი, მენდი, ვალვერდე, კამავინგა, კროოსი, ბელინგემი, ვინისიუსი, როდრიგო.

დანაკლისი: კურტუა, ალაბა.

მანჩესტერ სიტი: ედერსონი, რიკო ლუისი, სტოუნსი, დიასი, აკანჯი, როდრი, სილვა, დოკუ, ფოდენი, დე ბრუინი, ჰოლანდი.

დანაკლისი: აკე, უოლკერი.