მოგეხსენებათ, შევჩენკო როსონერიში 8 წელი თამაშობდა და 208 ჩატარებულ შეხვედრაში 127 გოლი გაიტანა, მოიგო სერია ა, ჩემპიონთა ლიგა და კოპა იტალია.
"მილანის საუკეთესო 11-ეულის კარს დიდას ვანდობდი. დაცვაში ტასოტი, ნესტა მალდინი და სერჟინიო. ნახევარდაცვაში პირლო, გატუზო და ზეედორფი, ფორვარდის უკან კაკა და ბობანი, თავდამსხმელი ფილიპო ინძაგი. მწვრთნელი კარლო ანჩელოტი, პრეზიდენტი კი მე ვიქნებოდი", - განაცხადა შევჩენკომ.
კლუბის პრეზიდენტი არა, მაგრამ საფეხბურთო კარიერის დასრულების შემდეგ, შევჩენკომ სამწვრთნელო საქმიანობას მიჰყო ხელი და უკრაინასა და ჯენოას მთავარი მწვრთნელი იყო.
