2026 წლის რაგბი ევროპის ჩემპიონატის 1/2 ფინალში, საქართველოს ნაკრებმა რუმინეთი 53-30 დაამარცხა და ფინალის საგზური მოიპოვა.
მატჩის დასრულების შემდეგ, ბორჯღალოსნების კაპიტანმა, ბექა საღინაძემ კომენტარი გააკეთა და მოწინააღმდეგე გუნდს მადლობა გადაუხადა.
"პირველ რიგში მინდა მივულოცო ბიჭებს გამარჯვება და ასევე მადლობა გადავუხადო მოწინააღმდეგეს. არ იყო მარტივი თამაში და პრობლემები გვქონდა, განსაკუთრებით მოლში. გავაანალიზებთ დღევანდელ შეცდომებს და ვეცდებით, რომ ფინალისთვის გამოვასწოროთ" — ბექა საღინაძე.
რაგბი ევროპის ჩემპიონატის ფინალური მატჩი 15 მარტს, მადრიდში გაიმართება და თბილისის დროით 21 საათსა და 45 წუთზე დაიწყება.
