ხვალ გაიმართება ესპანეთის ჩემპიონატის 28-ე ტურის მატჩი ალავესსა და ვილიარეალს შორის.
მატჩის წინ კომენტარი ვილიარეალის მთავარმა მწვრთნელმა მარსელინომ გააკეთა, რომელმაც მიქაუტაძის მდგომარეობაზე ისაუბრა.
ბოლო პერიოდში, მიქაუტაძე ბრწყინვალე ფორმაში შევიდა და გუნდის ერთ-ერთ ლიდერად იქცა, თუმცა როგორც ჩანს, ჟორჟს მიკრო-ტრავმა აქვს.
"ვფიქრობ, 5-დღიანი შუალედი საკმარისი დროა იმისთვის, რომ ჩემმა ფეხბურთელებმა კარგი დასვენება მოასწრონ. არ ვიცი, გამოვა თუ არა იგივე გუნდი მოედანზე, თუმცა წინა მატჩით ძალიან კმაყოფილი ვარ და ეს ტემპი უნდა შევინარჩუნოთ.
შემადგენლობაზე ჯერ არ მიფიქრია, რადგან რამდენიმე ფეხბურთელს პრობლემები ჰქონდა, მაგალითად მიქაუტაძეს, რომელმაც ამ კვირაში რამდენიმე ვარჯიში გამოტოვა და არ ვიცი, რამდენად მზად იქნება ალავესთან მატჩისთვის", - განაცხადა მარსელინომ.
ლა ლიგის მიმდინარე სეზონსი ქართველი თავდამსხმელის ანგარიშზე 8 გოლი და 4 საგოლე გადაცემაა.
