ოფიციალურად დადასტურდა, რომ მომდევნო 3 წლის განმავლობაში თემურ ქეცბაია დინამო თბილისის მთავარი მწვრთნელი იქნება.
დღეს, კლუბმა ქეცბაია ოფიციალურად წარადგინა, რის შემდეგაც პრესკონფერენცია გამართა.
დინამო თბილისში მისვლაზე
"დიდი მადლობა ხელმძვანელობას, რომ შესაძლებლობა მომეცა ისეთ ისტორიულ კლუბში ვიმუშავო, როგორიც დინამო თბილისია. ეს დიდი პასუხისმგებლობაა, რადგან დინამო საქართველოში ნომერ პირველი გუნდია. შეიძლება ახლა ბევრი პრობლემაა, მაგრამ იმისთვის მოვედით, რომ ეს პრობლემები მოვაგვაროთ."
დინამო თბილისის მიზნებზე
"სამწუხაროა, რომ ამჟამად დინამო თბილისი მე-8 პოზიციაზეა. საჭიროა, რომ გუნდში გვყავდეს გამოცდილი მოთამაშეები, რომლებიც ახალგაზრდებს დაეხმარებიან. ხელმძღვანელობისგან ყველანაირი მხარდაჭერა გვაქვს და გუნდი ერთად უნდა გავაძლიეროთ. სამეუხაროა, რომ ამხელა ულამაზეს სტადიონზე ტრიბუნები ცარიელია ხოლმე, ეს ფეხბურელებისთვის ძალიან რთულია."
ოქრიაშვილის ტრანსფერზე
"მას დიდი ხანია არ უთამაშია. გუნდში გვჭირდება ისეთი ფეხბურთელები, რომლებიც ეგრევე შემოგვიერთდებიან და დაგვეხმარებიან. ტრანსფერებამდე თვენახევარია დარჩენილი და ყველაფერს გავაკეთებთ, რომ ახალი, გამოცდილი მოთამაშეები დავიმატოთ."
საქართველოს ჩემპიონატის დონეზე
"ამდენი ხანია ევროტურნირები ტარდება და მხოლოდ ერთხელ მოვხვდით იქ. წამყვანი ახალგაზრდა ფეხბურთელები, რომლებსაც პერსპექტივა აქვთ და უცხოური გუნდი კონტრაქტს სთავაზობს, აქ არ ჩერდებიან და მიდიან, რისიც მესმის, თუ ამის საშუალება ჩნდება, უნდა წავიდნენ. ჩვენს ჩემპიონატში ფინანსურად კარგი სიტუაცია არ არის, კლუბებში ცუდი სიტუციაა და თუ ფინანსური საშუალება არაა, კარგი გუნდის აწყობა რთულია. სამწუხაროა, რომ საქართველოს ნაკრებში ეროვნული ლიგიდან თითქმის არცერთი ფეხბურთელი არ არის."
გულშემატკივრებზე
"ცარიელი ტრიბუნის წინ ფეხბურთის თამაში რთულია, მითუმეტეს ახალგაზრდებისთვის. გულშემატკივარს შეიძლება პრეტენზია ჰქონდეს, თუმცა მოვიდნენ სტადიონზე და ისე გამოთქვან პრეტენზია. სახლებიდან გაკრიტიკება ყველას შეუძლია. მარტო საქართველოში ვხედავ, რომ დასწრება არ არის. სხვა ქვეყნებში შეიძლება ჩვენზე დაბალ დონეზე თამაშობდნენ, თუმცა ტრიბუნები მაინც სავსეა ხოლმე,"
ახალგაზრდები დინამოში
"გვექნება იმის დრო, რომ ახალგაზრდა და ნიჭიერ ფეხბურთელებს დიდ გუნდში შანსი მივცეთ. ყველანაირად ხელს შევუწყობთ, რომ მათი ნიჭი და ოსტატობა უფრო გაიზარდოს. როგორც კვარა და სხვა ფეხბურთელები კარგ გუნდებში არიან, იმედი მაქვს, ასეთი კიდევ ბვერი გვეყოლება. მთავარია, უცხოეთში ქართული ფეხბურთით დაინტერესდნენ და აკვირდებიან."
