ლიგა 1-ის მე-12 ტურის ცენტრალურ მატჩში პარის სენ-ჟერმენმა ოლიმპიკ ლიონი ანგარიშით 3:2 დაამარცხა. მაყურებელმა იხილა არბიტრის მიერ მიღებული რამდენიმე საკამათო გადაწყვეტილება, რომლის შესახებ ღიად ისაუბრა "ლომების" დირექტორმა, მატიუ ლუის-ჟანმა.
"იმედგაცრუებულები ვართ. პირველ რიგში მინდა მოვულოცო ჩემი გუნდის ფეხბურთელებსა და მწვრთნელს, რომლებსაც საოცარი მატჩი გამოუვიდათ. შედეგი იქნებოდა უფრო სასიამოვნო, რომ არა მსაჯის შეცდომები. პირდაპირ ვიტყვი: ზაბარნიზე 11-მეტრიანი იყო, მან ხელით ითამაშა.
კვარაცხელიას გოლამდეც აშკარად ჯარიმა იყო. ბასტიენმა მიიღო კატასტროფული გადაწყვეტილებები და ასეთი შემთხვევები ლიგა 1-ს ანადგურებს. პარის სენ-ჟერმენი არის ევროპის საუკეთესო კლუბი და არ მგონია 16 კაცით სჭირდებოდეს თამაში. რატომ 16? ფეხბურთელებს მსაჯები და ვიდეორეფერიც მივუმატე."
