პარის სენ-ჟერმენმა გადმოიბირა ბარსელონას ახალგაზრდა ნახევარმცველი, დრო ფერნანდესი. ფრანგულ გუნდში გადასვლის შემდეგ, ესპანელმა ფლეიმეიქერმა გააკეთა პირველი კომენტარი და პსჟ-ს ისტორიას გაუსვა ხაზი. შეგახსენებთ, კატალონიელებმა თავიანთი აღზრდილი შუახაზელის სანაცვლოდ 8 მილიონი მიიღეს.
"ძალიან ბედნიერი და ამაყი ვარ იმით, რომ პარის სენ-ჟერმენის ნაწილი გავხდი. გადავედი უდიდეს გუნდში, რომელსაც ბავშვობიდან ვადევნებ თვალს. პსჟ-ში უთამაშია არაერთ ლეგენდას, რომელმაც ამ კლუბის ისტორიაში წარუშლელი კვალი დატოვა."
როგორც აღვნიშნეთ, ესპანელი ნახევარმცველი არის "ბლაუგრანას" აღზრდილი და მიმდინარე სეზონში მან მთავარ გუნდში ხუთი მატჩის ჩატარებაც მოასწრო. კამპ ნოუს ბინადრების დამრიგებელი, ჰანსი ფლიკი იყო თავისი შეგირდის გაყიდვის წინააღმდეგი, მაგრამ "ლურჯ-წითლებში" გადასვლა თავად მოთამაშემ ისურვა.
