უეფა სუპერ თასის გამარჯვებული პარის სენ-ჟერმენი გახდა. ჩემპიონთა ლიგის ტრიუმფატორმა გუნდმა ევროპა ლიგის ჩემპიონ ტოტენჰემს პენალტების სერიაში მოუგო. აქამდე, პსჟ იყო ერთადერთი ფრანგული კლუბი, რომელმაც ითამაშა სუპერ თასზე, დღეიდან კი ერთადერთი ჩემპიონი კლუბიც არის.
დიახ, "ლურჯ-წითლების" გარდა, უეფას სუპერ თასზე მონაწილეობა ლიგა 1-ის არცერთ გუნდს არ მიუღია. ეს ყველაფერი იმის გათვალისწინებით, რომ 1993 წელს, მთავარი საკლუბო ტურნირი მოიგო მარსელის ოლიმპიკმა, მაგრამ სუპერ თასზე აღმოჩნდა კლუბი, რომელიც ფრანგებმა დაამარცხეს ფინალში, მილანი.
საქმე ისაა, რომ "პროვანსალები" იმ დროს გაეხვნენ ჩაწყობილ მატჩთან დაკავშირებულ სკანდალში, რის გამოც ევროსარბიელიდან მოკვეთილები აღმოჩნდნენ. სწორედ ამიტომ ვიხილეთ სუპერ თასზე ველოდრომის ბინადრების ნაცვლად "როსონერი", რომელმაც 2-თამაშიან დუელში პარმასთან წააგო.
როგორც ვხედავთ, ლუის ენრიკეს გუნდი ერთადერთია, რომელიც უეფა სუპერ თასზე ფრანგული ფეხბურთის ერთგვარი სახე აღმოჩნდა. 1996 წელს, ტურინის იუვენტუსთან განადგურების შემდეგ, პარკ დე პრენსის ბინადრებმა ნანატრი ტიტული მაინც მოიგეს.
