პარის სენ-ჟერმენის ყოფილმა დირექტორმა, ლეონარდო არაუჟომ კილიან მბაპეს შესახებ ისაუბრა. ყოფილი ფუნქციონერის განცხადებით, ვარსკვლავური შეგირდის გაყიდვას ბრაზილიელი ფუნქციონერი ჯერ კიდევ 2 წლის წინ ცდილობდა. შეგახსენებთ, რომ ფრანგმა ფორვარდმა პსჟ გასული სეზონის ბოლოს, თავისუფალი აგენტის სტატუსით დატოვა.
"მბაპესთან კონტრაქტის გახანგრძლივების წინააღმდეგი ვიყავი. მეტსაც გეტყვით, პარის სენ-ჟერმენს ის 2022 წელს უნდა გაეყიდა, როდესაც კლუბს რეალისგან შემოთავაზება ჰქონდა. ამხელა ინვესტიციის ჩადება ერთ მოთამაშეში, მეტისმეტია. მე მქონდა მტკიცე პოზიცია: კლუბზე მაღლა ფეხბურთელი არ უნდა მდგარიყო", - განაცხადა პსჟ-ს ყოფილმა ფუნქციონერმა.
შეგახსენებთ, რომ მადრიდში გადასვლის შემდეგ, ფრანგმა თავდამსხმელმა ჩაატარა 14 შეხვედრა და რვა გოლი გაიტანა. რაც შეეხება პსჟ-ში გატარებულ პერიოდს, 256 ბურთით, კილიანი კლუბის ისტორიაში საუკეთესო გოლეადორია.
