ალ-ჰილალის თავდამსხმელმა, ქარიმ ბენზემამ პარის სენ-ჟერმენის შესახებ ისაუბრა. ვეტერანმა შემტევმა ხაზი გაუსვა ჩემპიონთა ლიგის მოქმედი ტრიუმფატორის გუნდურობასა და პარალელი მადრიდის რეალთანაც გაავლო. ამის გარდა, ფრანგმა ფორვარდმა პსჟ-ს ერთადერთ გამოკვეთილ ვარსკვლავად უსმან დემბელე დაასახელა.
"პარის სენ-ჟერმენის ძლიერი მხარე არის ის, რომ როგორც სასტარტო შემადგენლობის ფეხბურთელები, ისე სათადარიგოები თანაბრად მაღალ დონეზე თამაშობენ. ვერც ვუწოდებ ვინმეს სათადარიგო მოთამაშეს, იმის გათვალისწინებით, თუ რამხელა გარდატეხას ქმნის მოედანზე შემოსვლის შემდეგ.
რეალი არ გამოირჩევა გუნდურობით, როგორც პსჟ. მათ არ ჰყავთ გამოკვეთილი ვარსკვლავები, მხოლოდ დემბელე, ვინც ოქროს ბურთი მოიპოვა. "ლურჯ-წითლებში" ყველაზე ცნობილი არის მათი სპეციალისტი, ენრიკე, მოთამაშეები კი თითქმის ყველა თანაბრად არიან", - განაცხადა რიადელთა ფორვარდმა.
