რამდენიმე თვის წინ, კილიან მბაპემ ყოფილ კლუბს საარბიტრაჟო სასამართლოში უჩივლა, სადაც კუთვნილი ბოლო 3 თვის ხელფასისა და ბონუსების გადახდა მოითხოვა. ფრანგმა ფეხბურთელმა სასამართლო პროცესი მოიგო, შესაბამისად, პარიზულ კლუბს კომპენსაციის გადახდა დაევალა.
ეს განაჩენი პსჟ-ს წარმომადგენლებმა საფრანგეთის ფეხბურთის ფედერაციაში გაასაჩივრეს, თუმცა, გადაწყვეტილება ძალაში დარჩა. ამ განაჩენის მიუხედავად, კლუბი კომპენსაციის გადახდას ჯერ არ აპირებს, ადვოკატებმა კი საქმის ხელახალი შესწავლა მოითხოვეს. იმის მიუხედავად, რომ კილიან მბაპემ პსჟ-ს დავა უკვე მეორედ მოუგო, გამოძიება მაინც გაგრძელდება.
