მიუნხენის ბაიერნის ლეგენდარულმა მწვრთნელმა, იუპ ჰაინკესმა პარის სენ-ჟერმენის შემტევი დუეტი, ხვიჩა კვარაცხელია - უსმან დემბელე არიან რობენსა და ფრანკ რიბერის შეადარა. ყოფილმა გერმანელმა დამრიგებელმა აღნიშნა, რომ "რეკორდმაისტერის" წარმატების საიდუმლო სწორედ ნიდერლანდელისა და ფრანგი ვინგერების წყვილი იყო.
"იმდროინდელი ბაიერნის წარმატების საიდუმლო? დაკარგული ბურთის სწრაფად დაბრუნების ოსტატობა. ამის გარდა, მინდა გავიხსენო რობენისა და რიბერის დუეტი, რომელიც ჩემპიონთა ლიგის ფინალში პრაქტიკულად ყველგან იყო. ისინი მოქმედებდნენ გაუჩერებლად, რაც მიუნხენური გუნდის საიდუმლო იარაღი გამოდგა.
ასეთი ფეხბურთელები ჰყავს პარის სენ-ჟერმენსაც - კვარაცხელია და დემბელე. ისინი მაგონებენ არიენსა და ფრანკს. ფაქტია, რომ ენრიკემ შექმნა მანქანა, რომელთან მოგებაც იქნება ძალიან რთული, ნებისმიერი მეტოქისთვის. "
ნიდერლანდელმა და ფრანგმა გარემარბებმა 2012/2013 წლების საჩემპიონო სეზონში 50 საგოლე ქმედებაში მიიღეს მონაწილეობა. 13 გოლი და 13 ასისტი იყო "რეკორდმაისტერის" მე-10 ნომრის ანგარიშზე, 11 ბურთი და 23 ასისტი კი რიბერის.
