პსჟ-ს მთავარი მწვრთნელი ლუის ენრიკე ოსერთან გასამართი მატჩის წინ სხვადასხვა თემებზე საუბრობს.
.საფრანგეთის ლგია 1-ის მე-19 ტურში პარიზელები სტუმრად ოსერს 23 იანვარს დაუპირისპირდებიან.
"შევალიეს კრიტიკა? - პსჟ-ში მოსულ ახალ ფეხბურთელებს ყოველთვის იმას ვეუბნები, რომ თავიდან კრიტიკას მიიღებენ და ამას უნდა შეეგუონ. კმაყოფილი ვარ როგორც შევალიეს, ისე ზაბარნის და სხვა ახალწვეულების თამაშით.
ასე იყო ბარკოლას, დუეს, დემბელეს შემთხვევაშიც - თავიდან მათ ყველა აკრიტიკებდა, ახლა კი მსოფლიოს გამორჩეული მოთამაშეები არიან.
რაც შეეხება ჰაკიმის, მას პირადად უნდა შევხვდე და ვკითხო, რამდენად მზადაა როგორც ფიზიკურად, ისე მენტალურად. ამის შემდეგ გადავწყვეტ, ითამაშებს თუ არა ოსერთან.
სპორტინგთან საკმაოდ კარგი მატჩი გვქონდა, თუმცა ვერ მოვიგეთ, ეს გაკვეთილი უნდა იყოს, რომ შემდეგი კარგი მატჩები მოგებით დავასრულოთ", - განაცხადა ენრიკემ.
