პსჟ-ს 24 წლის ვინგერმა ხვიჩა კვარაცხელიამ PSG TV-სთან ინტერვიუში საინტერესო თემებზე ისაუბრა.
"პარიზში თავს ძალიან კარგად ვგრძნობ და ფანების მხარდაჭერა კიდევ უფრო მაძლიერებს. ადაპტაციის პერიოდმა საკმაოდ მარტივად ჩაიარა, რადგან ვფიქრობ გუნდს უკვე კარგად შევეგუე, რისთვისაც დიდ მადლობას ვუხდი მწვრთნელებს, სტაფს, კლუბსა და რა თქმა უნდა გუნდელებს. ფანები? პსჟ-ს დიდ ოჯახში ძალიან მარტივად მიმიღეს, რისთვისაც მათ ძალიან დიდ მადლობას ვუხდი. თავს კომფორტულად ვგრძნობ, როგორც მოედანზე, ისე მოედანს მიღმაც. პსჟ-ში საუკეთესოდ მიმიღეს - ის თუ როგორ გაგრძნობინებენ თავს კომფორტულად, სასიცოცხლოდ მნიშვნელოვანია ფეხბურთელისთვის.
პარიზი ერთი-ერთი ყველაზე ლამაზი ქალაქია და მიხარია, რომ ამ ქალაქის გუნდში ვთამაშობ. ვფიქრობ, ძალიან მნიშვნელოვანია თუ სად ცხოვრობ შენ და შენი ოჯახი, ჩვენ კი პარიზში თავს საუკეთესოდ ვგრძნობთ.
ლუის ენრიკე? მასში ყველაზე მეტად მისი ხასიათი და ფეხბურთელებისადმი დამოკიდებულა მომწონს. მოედანზეც და მის გარეთაც გაგრძნობინებს, რომ მნიშვნელოვანი ფეხბურთელი ხარ და ამ კლუბისთვის და ფანებისთვის ყველაფერი უნდა გაიღო.
ლიგა 1-ის ტიტული? ჩვენ კიდევ შეგვიძლია ორი თასის მოგება და ამისთვის ყველაფერს გავაკეთებთ. ჩვენ ბევრს ვშრომობთ და სწორედ ამიტომ ვიმსახურებთ წარმატებას.
ჩემპიონთა ლიგა? თვითონ ტურნირის სახელი ყველაფერს ამბობს - ამ ტურნირზე ჩემპიონები თამაშობენ და ყველა კლუბს აქვს შესაძლებლობა და უნარი, რომ თასი მოიგოს. ლივერპულთან და ასტონ ვილასთან ჩატარებული მატჩები დაგვეხმარება, რადგან ჩვენი მომდევნო მეტოქე კვლავ ინგლისიდან არის. არსენალი ძლიერი მეტოქეა, მაგრამ ჩვენ ყველაფერს გავაკეთებთ ამ ბარიერის გადასალახად."
შეგახსენებთ, არსენალი-პარი სენ-ჟერმენის პირველი მატჩი 29 აპრილს, თბილისის დროით 23:00 საათზე გაიმართება.
