2026 წლის მსოფლიო ჩემპიონატის შესარჩევი ეტაპის პირველ მატჩში, საქართველოს ეროვნულმა ნაკრებმა თბილისში თურქეთს უმასპინძლა და 2-3 დამარცხდა.
შეხვედრის ანგარიში სტუმრებმა დებიუტშივე გახსნეს — მე-3 წუთზე თავი მულდურმა გამოიჩინა, რასაც 41-ე წუთზე აქტურკოღლუს გოლი მოჰყვა და თურქეთმა პირველი ნახევარი დამაჯერებლად მოიგო.
მეორე ტაიმის სტარტზე, 52-ე წუთზეაქტურკოღლუმ დუბლი გაიფორმა და სხვაობა სამამდე გაზარდა. 63-ე წუთზე, ზურიკო დავითაშვილმა ერთი ბურთი გაქვითა, 98-ე წუთზე კი ხვიჩა კვარაცხელიამ აიღო მეტოქის კარი და საბოლოო ანგარიში, 2-3 დააფიქსირა. მატჩის ბოლო შეტევაში, ზურიკო დავითაშვილი დუბლის გაფორმებასთან ახლოს იყო, თუმცა, თურქეთის ნაკრები მეკარემ რთული ბურთი მოიგერია და ქამბერი არ შედგა.
საქართველო 2-3 თურქეთი
გოლები: 0-1 მულდური (3'), 0-2, 0-3 აქტურკოღლუ (41', 52'), 1-3 დავითაშვილი (63'), 2-3 კვარაცხელია (90+8')
მსოფლიო ჩემპიონატის შესარჩევი ეტაპის მეორე მატჩს საქართველოს ნაკრები კვლავ თბილისში, ბულგარეთის წინააღმდეგ გამართავს. აღნიშნული შეხვედრა 7 სექტემბერს, თბილისის დროით 17 საათზე დაიწყება.
