დღეს გაიმართება ეროვნული ლიგის 26-ე ტურის მატჩი ქუთაისის ტორპედოსა და დინამო თბილისს შორის.
ქართული დერბი, ქართული ელ-კლასიკო - ამ გუნდების დაპირისპირება ყოველთვის დიდ ინტერესს იჩენს ხოლმე, თუმცა ახლა ორმაგად დიდი ინტერესი აქვს, რადგან ტორპედო და დინამო სატურნირო ცხრილში ერთმანეთის უშუალო კონკურენტები არიან.
ორივე მათგანი მესამე ადგილისთვის იბრძვის და შესაძლოა, მათი დღევანდელი დაპირისპირება 6-ქულიან მატჩადაც ჩავთვალოთ. დინამოს 41 ქულა აქვს და მესამე პოზიციაზეა, ტორპედო 39 ქულით მეოთხე ადგილს იკავებს.
ბოლო პერიოდში, ტორპედო კარგ ფორმაში შევიდა, ზედიზედ სამი მატჩია არ წაუგია და ევოზონაში შესასვლელად ბრძოლაი დაბრუნდა.
დისკვალიფიკაციის გამო, ტორპედოს მათეო ითრაქი დააკლდება. სამაგიეროდ, კარგ ფორმაშია ამ გუნდის კიდევ ერთი ლეგიონერი მოჰამედ შერიფი, რომლის ანგარიშზე ბოლო ორ მატჩში 2 გოლი და 2 საგოლე გადაცემაა.
ეროვნული ლიგის 26-ე ტურის კალენდარი
27 სექტემბერი
19:00 თელავი-გაგრა
20:00 ტორპედო - დინამო თბილისი
28 სექტემბერი
19:00 იბერია-გარეჯი
20:00 დილა-კოლხეთი
20:00 დინამო ბთ-სამგურალი
