საფრანგეთის ჩემპიონატში გამართული მატჩი მეცსა და პსჟ-ს შორის, სტუმართა გამარჯვებით 2:3 დასრულდა.
პარიზელთა ქართველი შემტევი ხვიჩა კვარაცხელია სათადარიგოთა სკამზე იყო და თამაშში მეორე ტაიმში ჩაერთო.
მიუხედავად მარცხისა, ბრწყინვალე მატჩი ჩაატარა მეცის შემტევმა გიორგი წიტაიშვილმა, რომელმაც გოლიც გაიტანა და ერთ-ერთი ყველაზე მაღალი შეფასება მიიღო.
რაც შეეხება მეცის კიდევ ერთ ქართველს გიორგი აბუაშვილს, ის მოედანზე 85-ე წუთზე შემოვიდა და სწორედ წიტაიშვილი შეცვალა.
16 ტურის შემდეგ, პსჟ-ს 36 ქულა აქვს და სატურნირო ცხრილის ლიდერია, მეცი კი 11 ქულით ბოლო ადგილზეა.
