ძიუდოს საერთაშორისო ფედერაციამ რეიტინგი განაახლა. ახალი მონაცემების თანახმად, ქართველბმა რამდენიმე პოზიციით წინ წაიწიეს.
აბუ დაბის გრანდ სლემის დასრულების შემდეგ, ტურნირის ქართველი გამარჯვებული და პრიზიორები რეიტინგში დაწინაურდნენ. შეგახსენებთ, აღნიშნულ შეჯიბრებაზე გიორგი სარდალაშვილმა და ირაკლი დემეტრაშვილმა ბრინჯაოს მედლები მოიპოვეს, ლაშა ბექაურმა კი ჩემპიონობა იზეიმა.
ორგზის ოლიმპიურ ჩემპიონი ბექაური (-90 კგ.) 5 პოზიციით დაწინაურდა და ამ დროისთვის მე-5 ადგილს იკავებს, გიორგი სარდალაშვილმა (-60 კგ.) 3 საფეხურით წინ წაიწია და მეექვსეა. ირაკლი დემეტრაშვილი (+100 კგ.) კი 6 პოზიციით დაწინაურდა და 22-ე ადგილზეა. ამავე წონაში გურამ თუშიშვილი მე-2 პოზიციას იკავებს.
ქართველთაგან ამ დროისთვის რეიტინგში საუკეთესო შედეგი ეთერ ლიპარტელიანს აქვს. მსოფლიოს მოქმედი ჩემპიონი -57 კგ. კატეგორიის ლიდერია.
ქართველი ძიუდოისტები 6-7 დეკემბერსტოკიოს გრანდ სლემზე უძლიერესი შემადგენლობით იასპარეზებენ.
ფოტო: IJF
