დღეს საქართველოს მორაგბეთა ეროვნულმა ნაკრებმა ნოემბრის მეორე ტესტ-მატჩი გამართა. ბორჯღალოსნები ბათუმში კანადის ნაკრებს დაუპირისპირდნენ და 38-17 გაიმარჯვეს.
პირველი ტაიმი ქართველმა მორაგბეებმა 17-3 მოიგეს, ანგარიში აფციაურის ლელოთი გაიხსნა, 25-ე წუთზე თაფლაძის ლელო აბჟანდაძემ გარდასახა, 37-ე წუთზე კი აფციაურმა კანადელებს მეორე ლელო დაუდო.
აფციაურმა მორიგი ლელო მეორე ნახევრის დასაწყისში დადო, რომელიც აბჟანდაძემ გარდასახა და ანგარიში 24-3 გახდა. 54-ე წუთზე კვესელაძის ლელოს, აბჟანდაძის გარდასახვა მოჰყვა და 31-3. 1 წუთში კანადელებმა ლელოს დადება შეძლეს, გარდასახვაც ზუსტად შეასრულეს და სხვაობა შეამცირეს 31-10, 64-ე წუთზე ჯალაღონიას ლელო, აბჟანდაძემ გარდასახა და ანგარიში 38-10 გახდა, 78-ე წუთზე კანადელებმა ლელო და გარდასახვა მიითვალეს და საბოლოოდ, ქართველმა მორაგბეებმა 38-17 გაიმარჯვეს.
შეგახსენებთ, ბორჯღალოსნებმა ნოემბრის პირველ ტესტ-მატჩში აშშ-ის ნაკრებს 43-30 მოუგეს. საქართველოს მორაგბეთა ნაკრები მორიგ ტესტ-მატჩს 22 ნოემბერს თბილისში, „მიხეილ მესხზე“ იაპონიასთან გამართავს.
ფოტო: საქართველოს რაგბის კავშირი
